帖文引起熱議。
疫情下醫療資源緊絀，醫院服務壓力大增。有救護員日前在網上發文，怒轟不少人因為頭暈、肚痛等輕微問題就召喚救護車，批評會非緊急召喚而導致真正危急病人失救。
資料圖片
網民在「公務員Secrets」Facebook群組發文，指自己作為救護員，眼見第四波疫情爆發，但還有不少人因頭暈、肚痛、便秘等就叫救護車去醫院。他批評救護員工作已很辛苦，「香港市民，多謝你哋嘅濫用，令我少咗機會中啲堅做嘅call，我已經習慣咗冇得休息，請你哋繼續濫用，thx！」
救護員批評有市民濫用救護車。資料圖片
該帖文引起熱議，有不少網民批評「肚痛可以好大鑊其實」、「你實知人哋call車唔係乜嘢大病？」而另一名救護員有鑑於此，日前也在該專頁投稿，直斥「終於明白點解咁多濫用，因為濫用緊都唔知自己濫用緊果下先恐怖！」
資料圖片
這名救護員表示，「首先請大家明白一樣嘢，救護車只係送人去急症室，急症室呢就係救人嘅地方，話明急症，姐係唔即刻搞個病就會有生命危險/短時間快速惡化，例如心臟停止跳動，嚴重呼吸困難，嚴重創傷引致維生指數唔理想等等。」而如非上述情況，一般頭暈、腳痛，到了醫院也是開封轉介信，預約其他專科去做身體檢查。
資料圖片
對於有人指「肚痛可以好大鑊」，他直言「但係你冇即時嘅生命危險而且仲可以行到嘅話，點解唔係自己去而係叫救護車去？」他表示救護車爭分奪秒救一個有即時生命危險的病人，卻被理解為「有病有唔舒服就應該叫救護車」，直言自己見盡因為非緊急召喚，令好多真正危急需要「buy time」的病人失救。
不少網民都留言支持救護員，「講得好！自私嘅香港市民，永遠都係自己最重要」、「啲人成日都濫用，習以為常」。
