力撐隊友保錡 193：ERROR四為一體

193希望保錡快點振作。

ERROR成員193（郭嘉駿）、廖碧兒及林曉峰今日（5日）在旺角鬧市街頭拍攝飲食節目，以靚酒配臭豆腐，食到三位主持面容扭曲。193即場發揮ERROR精神，將臭豆腐溝白酒「硬啪」入口，笑爆全場。

雖然三位主持要在旺角鬧市除下口罩拍攝，但拍攝完畢後他們都立即戴回口罩。

193曾於ViuTV節目《花姐ERROR遊》挑戰試食「大便味咖哩」，今次拍攝試食臭豆腐溝白酒，193表示沒有難度，他說：「我喺日本拍節目連屎都食過啦！人生冇嘢難倒我，我嘅格言係屎都食過，人生有咩做唔到！」

193以白酒溝臭豆腐「硬啪」入口。

近日ERROR成員保錡被指背女友偷食，更被指是「偷食慣犯」，形象插水，有網民指保錡嚴重影響ERROR發展，要求他退出ERROR。隊友193表示有關心保錡，指保錡有為此事不開心，正在沉澱，又表明ERROR是「四為一體」，希望保錡快點振作。

ERROR成員193接受訪問力撐隊友保錡表明ERROR四位一體。

193坦言與保錡是好友，所以對他的感情狀況略知一二，但自己不會深究別人的感情事，留待他們自行解決。

ERROR成員193(郭嘉駿)、廖碧兒及林曉峰今日在旺角鬧市街頭拍攝ViuTV飲食節目。

三位主持以靚酒配臭豆腐，食到面容扭曲。

廖碧兒否認下嫁富商盧啟賢。

另一方面，早前有傳廖碧兒今年將下嫁富商盧啟賢（Calvin），最終男方否認戀情，指大家只是朋友關係。廖碧兒同樣否認婚訊，稱與盧啟賢只是好友，她表示：「年年都傳，4年前傳嫁咗添啦！唔知我嫁得幾多次呢？（有指你被降呢做Auntie？）小朋友不嬲都稱呼我做Auntie，冇乜嘢。」

組合ERROR成員郭嘉駿（193）日前到新城廣播接受葉文輝（啤梨）主持的《梨事會》錄音訪問，193去年因「跑車事件」引發輿論風波，他在訪問中透露事件發生後事業陷入低潮，更驚爆自己出現創傷後壓力症候群（PTSD）症狀。

193郭嘉駿接受新城廣播《梨事會》訪問。

193直言購買跑車是為了實現童年夢想，並強調這是靠自己努力賺取的成果：「我自從返到香港出嚟做嘢之後，冇問過屋企攞一分一毫，我覺得自己好努力得到呢啲嘢，實現自己夢想覺得好好。所以我真係好想喺呢個年齡用我嘅錢去買一架車，如果我等到50、60歲先買，已經唔係嗰個感覺，我年輕時擁有過，我對得住自己。」

事件發生後，193痛定思痛，將跑車賣掉，「我擁有過就已經好叻，但以後唔好咁招搖，招搖一次就夠。」可是，情緒仍受到衝擊，事業亦陷入低潮：「係有啲驚，有PTSD（創傷後壓力症候群），覺得好sad，好似全世界都喺到講，我覺得自己錯咗，但你改變唔到，只能夠認錯，每日都匿喺屋企，工作又取消晒，最重要係嗰種無力感，真係發生咗，你認一百次錯都改變唔到。」

193與主持人葉文輝

後來他親自填詞寫了一首歌《Keep Walking》作自我療癒，「我發覺我聽番自己嘅詞，個人都正面咗，有時會有人DM我，話我首歌啲歌詞鼓勵到佢，幫到人我覺得無憾。」

193剖白「跑車事件」後遺症。

193在訪問中主動提及，從小是新城廣播的忠實聽眾，童年時期經常於深夜躲在被窩偷聽啤梨主持的《卡拉O！BABE》，他憶述：「媽咪叫我瞓覺，我就喺床上偷偷哋聽。」他坦言當時已幻想終有一天都要打來點唱，但因性格害羞而未有實行。

對於入行初衷，193表示：「純粹覺得主持賺到錢……我覺得我有個外形，高高大大，我又會講英文，廣東話都OK，做一個正常嘅MC好似好合情合理。」未料參加《全民造星》後，人生走向完全不同。

驚爆患PTSD陷人生低潮！

今年是ERROR成軍七週年，193回應關於團隊關係的提問時坦言：「當然有爭執，尤其係初出道，大家四個唔同嘅個體，突然間要困埋一齊，係會有好大嘅分歧，所以初時成日嗌交。」但經過多年磨合，現在反而想見一輩子，「大家都知道你底線係咩，會互相遷就，好似情侶咁。」

詳細節目內容，請留意12月9日，下午6:00 – 7:00，新城知訊台《梨事會》節目，網址：
https://www.metroradio.com.hk/MetroInfo/