前空姐爆龔嘉欣差點嫁入豪門 張振朗「扮大哥」乞人憎

張振朗被指愛扮大佬，兼見高拜見低踩。

阿莎似乎對朋友的說話深信不疑：「張振朗多謝完一大爛餐喺工作上幫到佢嘅人，之後多謝屋企人，仲有屋企隻哥基，但係都冇多謝佢身邊嘅女朋友，大家醒目都明㗎啦！」對於張振朗在台上發表「一定要尊重別人 ，別人先至會尊重你」的言論，她又寸爆叫對方「唔好玩啦」！

有網民留言為張振朗平反。

阿莎又從其馬來西亞空姐朋友口中得知，當地好多人都知道龔嘉欣曾經有一位馬來西亞富二代男友，對方還打本給她開火鍋店又「啲錢任佢使」，阿莎續道：「呢個傻女有少奶奶唔做，自己放棄呢份愛情。聽講大馬豪門界已經收晒佢哋婚訊，原本真係可以嫁入豪門，不過佢對自己嘅演員職業有一份執着，放棄咗做少奶奶呢分筍工，專心事業，而家真係實至名歸。」

龔嘉欣被指曾經有一位馬來西亞富二代男友。

阿莎表示欣賞龔嘉欣在劇集《殺手》的演出。

其實早於前年已有消息指，龔嘉欣秘戀30歲的馬來西亞富二代Bryan，有傳男方打本予她開新火鍋店，亦有傳龔嘉欣快將嫁入豪門做大馬新娘，未料去年10月卻傳出「分訊」，有指二人因經常分隔兩地，最後結束一年的戀情。

龔嘉欣前年被爆與馬來西亞富二代Byran熱戀，惟她一直未有公開認戀。