博客文章
作者: 朱雀神君
口罩已變成大家生活中既一部分
但對於術數行者而言，一定會思考一下，因為口罩遮住一大半，就判斷唔到？
當然唔係 la，所以我就分享一下小弟自己點應用
帶左口罩之後，臉部露出既地方只有: 頭髮、額頭、眉、眼、耳
而當中最反映人既當下狀況，就係 眼
透過唔同既眼神，你就可以獲取到唔同既資訊
例如:
有神，精力充沛，行好運中
無神，疲倦，近期不順
神露，為人比較衝動大意
神凶，為人比較凶險
神奸，為人比較虛偽陰險
但係，相不獨論
總唔能夠單憑眼神就鐵定所有野
所以呢個時候，就會用到 師傅(國師) 上堂所講既 動相
動相包括好多野: 說話聲線、說話內容、動作 and 小動作、行為、步行姿勢
以上都係可以幫助大家判斷之用
混合以上所有野，再加上眼神，你會得到好多既資訊，綜合到該人既性格
最後，細節決定成敗
睇到愈多既細節，你可能會發現該人不為人知既一面
但細節既出現，往往可能只有 0.5 秒既時間
所以加強自己既觀察力，會事半功倍
香港兔蘆術數學會
** 博客文章文責自負,不代表本公司立場 **
作者：Stephen
上年年初爆發既世紀疫症，至今令全球民眾叫苦連天。其中感受最深莫過於準備結婚擺酒既準新人。場地、化妝、律師、花球、酒席……等等等等，延期又延期。其實，除咗一對新人要面對各種各樣既煩惱之外，受邀請既賓客都可能會糾結於出唔出席。尤其家中有小朋友既，更加會有多一重顧慮。
朋友Ｈ早於２０１８年年尾已經籌備婚禮同婚宴，原本好日子訂喺２０年３月，可惜疫情來襲，政府一個限聚令，全港所有婚宴場地無一幸免地要暫停所有宴會，朋友Ｈ唯有延期到八月。
好景不常，社交限制措施喺八月再度收緊。朋友Ｈ決定再延期到１２月２２日。而身為爸爸既我就煩惱完一次又一次：究竟去，定唔去好呢？會唔會限聚令到嗰日都未放寛呢? 於是，我用文王卦占測一下，朋友Ｈ既婚宴能唔能夠喺當日順利舉行。
占卦之日係庚子年甲申月庚戌日（２０２０年９月４日），得出寅卯空亡。本卦天澤履，變卦風雷益。世爻為自己，兄弟爻為朋友Ｈ，應爻為婚宴場地。應爻持玄武官鬼卯木，化變爻官鬼寅木，兩者皆落空亡。空亡化空亡係無得填實，不論係寅年卯月，卯月寅日，寅日卯時……一律無得化解，既無生剋力量，亦無沖合作用，係黑洞之中既黑洞。應爻空化空，代表婚宴場地有事情令到佢提供唔到服務，無任何顧客光顧。再加上日子戌日來合落左空亡既官鬼卯木，合空有表吉實凶既意思，亦係無得化解，似乎當日依場婚宴未必攪得成。睇下１２月２２日己亥日對支卦有無咩啟示？亥日合變爻官鬼寅木，又係合空，答案呼之欲出。
＜２０２０年１２月１０日，政府宣佈晚上６點後禁止堂食＞
朋友Ｈ非常失望，最終決定先行註冊，婚宴就暫時擱置。
＜２０２１年2月18日起食肆恢復晚市堂食至10時+＞
其實支卦仲提供咗唔少資訊，有機會再同大家分享。
今次疫症帶黎既影響實在空前巨大，
