博客文章
作者：小魔
風水學係亞洲地區使用咗幾千年，而環境學係近代被科學證實存在既東西。
篤信風水呢，會被人認為迷信。環境學呢，大家反而容易接受喎。其實兩者係有共通之處。
風水擺陣講求擺完之後既結果，中間既方程式太多樣化，而一般人不能夠輕鬆理解。(小妹我都唔太理解，有咩事搵師傅啦)
而環境學，雖然係擺啲花花草草等等，但後面係有一串可計算既 formula。一個有頭有尾，有根有據既，當然容易被接受啦。
點解小妹我話佢地係有共通之處呢，因為大家都運用緊「磁場」。
每個方位都有一個特別既磁場。東為木，南為火，西為金，北為水。既是磁場，亦係元素。
無論風水定環境學，如果方位既磁場唔多好，就會擺放物件，種植花草樹木，或者移動去其他地方，以改善或者避開唔好既磁場。
For Example，如果個年北方有病星，咁北面既磁場好易令到人病既。我地處理既方法，會擺放水種植物，洩弱水既力量。
當然啦，以上講法係非常簡化既，當中包含好多玄學既學理無講到啦。(有興趣想知，跟師傅上堂學啦)
風水又好，環境學都好，都只係一種知識，書到用時方恨少。
香港兔蘆術數學會
** 博客文章文責自負,不代表本公司立場 **
搏彩觸機2
作者：蕭生
觸機可以算係一種不可預料但又貼近日常生活，每人都有機會接觸過嘅生活日常。你永遠唔會知道嗰次嘅觸機結果對與錯，每次都只可以喺事件發生後先知準確與否。
筆者早前又發生咗一件趣事關於觸機可以同大家分享，話說愛女出世之後，我嘅賭運都唔知係唔係畀佢吸晒，十賭十輸，輸到都唔想再賭，就進入一個半戒賭狀態，好多時連賽馬日都唔知，直到有朋友講馬先知原來嗰日有馬跑。
就喺有一晚，同緊個女同2隻狗仔玩緊嘅時候，太太就話佢哋3個成日頭側側，面懵懵好似呀源咁。唔知大家識唔識呀源，佢就係網絡紅人*這些機會不是屬於我的*嘅呀源，我就答咗佢一句：咁我哋屋企咪有3個呀源
