呂志和獎2000萬好吸引

邵逸夫搞咗個有「東方諾貝爾獎」之稱的「邵逸夫獎」，銀娛（02 7）主席呂志和亦唔讓逸夫獎專美，搞番個「呂志和獎─— 世界文明獎」，佢籌備咗兩年，將20億元資產注入去搞呢個獎項的 公司，作為營運資金，都好大手筆喎。

呂志和獎有三個類別，第一是促使世界資源可持續發展、 第二是促進世人福祉、第三是倡導積極正面人生觀及提升正能量。 邵逸夫獎也有三個類別，係天文、醫學和數學，係重學術， 補諾貝爾獎的不足，但呂志和獎就另類啲， 重視抽象一點的社會貢獻，而關注領域就年年唔同， 第一年會關注世界糧食供應、醫治或控制疫症、傳染病及慢性疾病。

呂志和獎項公司董事會都好猛料，4名成員包括呂志和自己、前財經局長馬時亨、前港大前校長徐立之、「公職王」鄭慕智。 獎項理事會成員就有前特首董建華、前美國國務卿賴斯。 獎項推薦委員會成員就有前中大校長劉遵義。

雖然劉遵義叫大家「唔好將注意力淨係集中喺獎金上面」，每個獎又 2,000萬元咁犀利，遠比邵逸夫獎的780萬多，想唔注意都好難喎，那一個有頁獻人士中獎，就馬上成為一個小富翁。雖然做得呢啲事情的人， 好多都不志在攞獎，但無論如何，呂志和獎高獎金都係一個賣點。

富豪都想留美名，呂志和也如是，但做好事留名， 又真係值得鼓勵架。

Ariel

** 博客文章文責自負,不代表本公司立場 **

習大大上任以來首次對美國進行國事訪問， 在西雅圖可以話係經貿之行，轉到華盛頓就係政治之旅。

在習大大訪美之際，民主黨創主席馬丁李柱銘、 學民仔黃之鋒亦都在華盛頓出席會議，係人權組織「自由之家」 邀請，外電昨日報道，佢哋尋求與白宮高層官員會面， 反映香港情況，但未獲美方安排， 只會與兩位負責亞太事務以及人權事務的助理國務卿會面。

李柱銘接受路透社訪問時指，現階段看不到任何證據， 習近平會真正推動中國改善人權；又指本港學生仍然支持一國兩制， 並非爭取港獨，敦促中央政府履行承諾，在香港落實普選。

李馬丁同之鋒去華盛頓，見華府官員反映香港情況， 可以估到佢哋表達的立場和關注，都會和阿爺唱反調。 佢地揀正習大大訪美如此重要的時刻去美國， 華府唔安排最高層見佢地，都可以話係意料之中。

以往馬丁去親美國，至少見到國務卿、副總統，甚至在97年4月1 8日，在白宮「偶遇」總統克頓都試過，當時是香港回歸前夕， 美方本來只安排李柱銘會見副總統戈爾， 但最終克林頓以這種路過的方式現身，與李柱銘傾咗25分鐘。 但反觀今天，連國務卿都見唔到，唔知今次有冇少少失落呢？