算命趣談
作者: 國紫平
算得命多會遇到好多不同既問題。
例如1,我幾時行大運，個師傅話我行緊大運喎。多數我會詳細解釋下每個人都不停行緊大運 ,每十年轉一次，你講既大運多數係講行緊好運，所以行大運就好似行流年咁 每年每十年就轉一次，好唔好運就另計。
例如2,師傅話我好命，我就會講師傅話你好命多數只係講你自己事業同財運好就叫好運，但唔計其他野嫁喎，例如父母夫妻子女關係，健康情緒等等唔包，所以好命睇你點定義啦。有人揾錢少，但家庭關係好，有些女強人揾錢事業強，但愛情失敗，有人自己事業，但子女健康差，點為好定壞 ,睇你焦點係邊。
例如3,師傅話我今年行好運喎，但我唔覺。一命二運 ,若果命唔夠好 行運既未必會忽然跳升好多 ,天生係跑車 同單車作比較，單車幾順都未必夠跑車快。命就好似車一樣 ,要睇天生係咩車。
香港兔蘆術數學會
** 博客文章文責自負,不代表本公司立場 **