肥佬黎的《忽然1周》摺埋無幾耐，《都市日報》老板黃浩， 聘用了部份《忽然1周》的人馬，重新搞一本類似《忽然1周》 的雜誌，名叫《 E周刊》，今日試刊登場。
聽聞《E周刊》一書三冊賣15元，即去番《忽然1周》 的售價與冊數。《E周刊》先將其中一冊娛樂書《e+娛樂》 今日隨《都市日報》派發點免費派發，聞說共派了大約25000本 。
我拿了一本來看，內容體編排類也好像《忽然1周》 Book A，以娛樂為主打。
睇嚟佢主書《E周刊》，可能好似《東周刊》或《壹週刊》， 以硬新聞為主打。前《蘋果日報》執行總編輯蕭煒春加盟主理《E周刊》，正在招兵買馬，上陣打仗。
這個世界就是這樣，「一雞死，一雞鳴」，有人唔做，有人殺上。 不過，肥佬黎做唔掂《忽然1周》，要執笠收場， 黃浩究竟有何把炮可以做得掂，行家都昅到實啦。
小鯊
** 博客文章文責自負,不代表本公司立場 **
