曖昧對象初次約睇戲狂踩「地雷」 港女怒斥：扣晒分！

誰說與曖昧對象的初次約會定會留下美好回憶？有港女分享，近日與曖昧對象首次見面約會睇戲，但一場電影已盡見對方本性，她更列出對方各種惡行，直指完全「頂唔順」！

設計圖片

該名港女在網上討論區「Dcard」上，以「同曖昧對象睇套戲就已經扣晒佢分…」為題發文，指與曖昧對象相識半個月，對方早前約會她，二人經討論後決定到戲院睇戲，出發前共同選好電影。不過樓主萬萬沒想到，這一行竟是惡夢的開始。

樓主指，並非要求對方帶外套借她披，只是希望對方可以安靜專心地睇戲，怎料對方卻完全做不到。她表示，男方本來就是「多嘢講」之人，但他在電影播放期間仍然講不停，一直在樓主耳邊喃喃自語，而且是無關劇情的「無聊廢話」。樓主感到被滋擾，於是叫對方安靜，但對方竟開始每隔兩分鐘便拿出手機看一看，「你騷擾我都算啦，我哋坐緊中間個排，其他觀眾都會被你騷擾到㗎，叫佢收返埋啦，佢照繼續用」。辛苦捱到電影快結束時，樓主本來想待電影主題曲、花絮或彩蛋，但男方突然一秒起身「趕住走咁」，樓主只能叫對方「坐多陣睇埋先」。

設計圖片

樓主表示，明白對方可能認為電影沉悶或「唔啱心水」，但她直指那是兩人討論後共同決定觀看的電影，理應保持禮儀及一定程度的尊重，「寧願你安靜瞓覺，都唔好做呢啲行為係咁騷擾人」。樓主遂詢問一眾網民「有冇人都頂唔順呢啲人，定係我要求太高」。

設計圖片

帖文引起網民熱議，一面倒認為樓主的曖昧對象極無禮及不尊重，「咁嘅人我之後朋友都冇得做！佢由頭到尾所有嘢犯晒睇戲大忌，佢仲要做到呢啲係騷擾到人哋嘅行為，散場嗰陣同佢一齊走都覺得羞恥」、「偶爾一句半句或者望一望都仲接受到 但一直係咁真係不了」、「我覺得依類人同理心唔係好夠，睇睇下戲都唔想係咁煩住晒，仲要喺到玩手機，個地方都夠暗㗎啦，仲要『燦』住其他人，隻眼好累㗎嘛」、「呢件事反映到佢自我中心，唔聽人講，冇公眾場合應有嘅禮儀，幾乎踩中晒呢啲不論男女都唔鍾意嘅地雷，唔係你要求高啦」。

港女近日與曖昧對象約會睇戲，但一場電影已盡見對方本性，令她完全「頂唔順」。《太陽的後裔》劇照

資料來源：「Dcard」

港人熱愛旅遊，足跡遍及全球。早前，一位在冰島旅行的港人，在壯麗的冰天雪地自然美景中，突然發現了一個熟悉的藍色小袋—Tempo紙巾袋。該名網友隨即在社交平台撰文尋物主：「邊個香港人喺冰島漏低咗Tempo?」

網上圖片

帖文一出，隨即掀起網友熱議，不少人形容Tempo紙巾袋猶如「香港身份證」：「我嗰日都已經諗緊邊個香港人將香港身份證跌咗喺冰島」，而貼文曝光後竟然引來疑似Tempo物主現身「認領」，指自己就是紙巾袋的物主：「真係我架，喺衫袋拎手套嗰陣吹走咗執唔返」

網上圖片

網上圖片

Tempo冰島奇遇記事件引發網民熱議：「為何一見到Tempo就認定係香港人？」不少網民紛紛留言：「Tempo唔係得香港有㗎」、「Tempo唔係德國咩？幾時變咗香港特有？」。原來，Tempo雖然源自德國品牌，但在香港市場銷量長期佔據第一，而且香港出售的包裝設計與其他地方不同，極具辨識度，因此這個看似普通的藍色紙巾袋亦被大家稱為另類「香港身份證」。

網上圖片