Plastic
膠仔見條腰肥咗幾寸，join咗個健身中心，隔日去跑步舉鐵咁，出身汗真爽。好學嘅我玩完跑步機後，搵咗啲資料睇吓到底係邊個天才發明呢部機嚟造福人類，發現原來有TedTalk影片介紹。
跑步機最早喺1818年發明，最初唔係咩健身器材，英國人用作酷刑工作，用嚟「改造」班無所事事嘅囚犯。囚犯要踩動木條，轉動巨大機器去磨麵粉或者打水。跑步機英文係「Treadmill」，可以譯做「踏車」，又或者用嚟形容單調無聊嘅工作。以前囚犯每日都踩成六個鐘以上，等於每日攀登幾千米高山。我講起都覺得腳痛。
1898年，英國法院定義踏車屬於極度殘酷嘅刑罰，從此唔再作為酷刑工具使用。1911年，有生意頭腦好到爆炸嘅美籍猶太人重新包裝跑步機推出市面，喺美國成為咗健身用品，其後推廣到全世界。
我估你哋都係無心機睇字，去片啦：
神州快訊
** 博客文章文責自負,不代表本公司立場 **
唔少人都受蛀牙困擾，如何保養牙齒成為一個大難題。最近有研究可能俾到啲啟示，話古羅馬人牙齒相當健康，甚至比現代人仲要健康好幾倍。當年未有牙醫呢門專科，啲人亦無咩意識保養牙齒，但係竟然好少人蛀牙，原因極可能同低糖飲食有關。
年中有科學家用電腦進行斷層掃描，檢查意大利龐貝古城出土嘅30具羅馬人遺體，男女老少都有，全部死於公元79年維蘇威火山爆發而產生嘅火山灰同埋飛石。經過幾個月研究，研究員發現呢班羅馬人牙齒好得驚人，認為都係歸功於佢哋低糖富含纖維嘅「地中海飲食」習慣。
「地中海飲食」係近年營養師推薦嘅健康飲食法，主張進食大量蔬菜，其次係魚類同瘦肉，以植物香料代替鹽，並且唔會攝取橄欖油以外嘅油份。龐貝城古蹟總監Massimo Osanna形容龐貝古城羅馬人嘅飲食健康又均衡，幾乎滿足晒地中海飲食嘅要求。
據講其實英國15至17世紀英國都鐸王朝時期嘅人都有相當健康嘅牙齒，最靚者要數推動宗教改革嘅亨利八世。當年啲人牙齒健康，原因同羅馬人一樣係低糖飲食。係16世紀英國「童貞女王」女王伊麗莎白一世因為鍾意甜食以致一口爛牙，令外界誤以為當年啲人牙齒一樣咁衰。
17世紀開始，製糖技術喺西班牙、法國同埋荷蘭變得普及，糖以及相關產品價格暴跌，糖先由奢侈品變成歐洲人餐枱上常見嘅嘢，亦象徵人類爛牙年代來臨啦。
