加密貨幣仲揸得? 作者: Stephen

加密貨幣仲揸得?   作者: Stephen

“加密貨幣, 又譯密碼學貨幣、密碼貨幣, 是一種使用密碼學原理來確保交易安全及控制交易單位創造的交易媒介……

“ 咪住先, 依度係香港兔蘆術數學會喎. 放心, 我今日唔係同大家講解乜野係加密貨幣, 而係同大家分享一支同加密貨幣有關既文王卦.

話說小弟早前買咗好幾萬粒狗狗幣, 當時買入價係美金 $0.05 一粒. 到四月尾個價已經爆升到美金 $0.4 一粒. 升勢凌厲, 幅度驚人!

攪到我一時間都唔知應該點操作好. 雖則有說法 “有糊唔食, 罪大惡極”, 但係如果個價升唔停, 一個唔覺意升多十倍八倍, 咁咪走寶? 於是我占一支卦, 問下如果我繼續持有狗狗幣, 黎緊巳月既財利會點.

占卦當日係辛丑年, 壬辰月, 己酉日. 寅卯空亡.本卦山地剝, 變卦艮為山. 獨發於三爻. 由於問題同錢銀有關, 用神自然就係妻財.

三爻妻財卯木化兄弟申金回頭剋. 妻財既力量已經受損. 加上日子係酉金, 不單剋財, 而且沖財. 子孫爻子水無發動, 做唔到通關轉化. 四爻父母戌土亦無發動, 解決唔到妻財比日子沖既問題.

再睇下巳月幫唔幫到手? 巳火對妻財卯木既力量完全無幫助! 財既力量弱不禁風!妻財卯木落空亡, 可以有兩個解讀.

第一係空亡唔受剋, 預示我錢財唔會有損失.

第二係日子沖空亡, 沖空解作目標轉移, 表示我會有其他投資對象.

今次依支卦完全幫到我趨吉避凶 ! 占卦之後幾日, 我已經逐步將手上既狗狗幣轉成BUSD. 成功避開由五月開始既大跌浪. 至於我轉移咗去投資啲乜?

梗係參考兔蘆投資WHATSAPP谷啦. 依個谷入面有好多臥虎藏龍既師兄師姐, 佢地既分析直達專業級水平! 如果大家未入谷既, 快啲申請嗱. 當然, 首先你要成為兔蘆學會既一份子啦 !

待續…

香港兔蘆術數學會

** 博客文章文責自負,不代表本公司立場 **

玄空風水

筆者：半澤

不經不覺筆者學習術數已有數年，當中最有興趣和心得的是風水一項，正所謂一命二運三風水， 頭二項自己無法控制，出生時大局已定，唯有風水可以改變，而且風水能夠流傳數千年而歷久不衰，甚至在西方世界亦愈見重視，足可見其價值所在。

筆者所習門派主要是玄空飛星，今次同大家分享一下；玄即是時，空即是空，玄空即是時空；玄亦係一，空亦係九，玄空即一至九之數。一至九再對應飛星、一白貪狼星、二黑巨門星、三碧祿存星、四綠文曲星、五黃廉貞星、六白武曲星、七赤破軍星、八白左輔星、九紫右弼星。一至七為北斗七星，八九在北斗七星左右。玄空九星亦以卦象代表八個方位；坎、坤、震、巽、乾、兌、艮、离。

每個方向宮位皆有其代表的五行、顏色、人物、器官。例如九紫離宮即正南方，顏色屬火代表紅色；人物代表中女，所以由2024年開始至2043年地運由八變九，轉入九數運代表中女當道，有否留意近年受歡迎的女性大多數為三十五歲開外，火亦代表電子，燦爛，顯示，華麗，近年電子商貿興起，虛擬貨幣爆紅，不無道理；器官代表眼，心臟，血管。

平常分辨方向多數分八個方向，但玄空風水分得更加細緻，每個方向再分三山，八個方位一共廿四山（參考圖片），風水物品擺放在那個山亦是一門高深學問，例如今年流年正財方為西方，當中庚酉辛三山，你選擇放在哪一個山，力量判若天淵！

每到新年時間，大家關心各正財偏財桃花及文昌等位置，用到的正是玄空飛星，講明係飛星，每年星位會改變一次，每個空間有原局風水和流年風水（其實更有流月甚至流日，但本人認為流年已足夠），如果要催旺家宅風水，定必由原局風水催起，再配上流年風水，效果才能明顯。 如果大家有放置風水物品，緊記每年要改變一下位置及每一段時間清潔乾淨。

風水博大精深，一篇文章可以提及的內容實在太少，當中精髓理氣及巒頭可能要到下次再同大家分享。