凌文龍在片中會同Coffee會有親熱場口，但同大馬女神就冇。
電影《願望扭蛋機》昨日（6日）舉行開鏡拜神，凌文龍、「大馬女神」林明禎及林芊妤（Coffee）出席。剛完成賀歲片《飯戲攻心》的林明禎立即為新片開工，直言很喜歡香港的她希望一直有工開便可留港嚐最愛的咖喱魚蛋和點心，由於每天都有做運動故不擔心發福，反而只怕睡眠不足。
點擊看圖輯
凌文龍同Coffee會有親熱場口，同大馬女神就冇。
開鏡儀式齊齊切燒豬。
凌文龍同Coffee會有親熱場口，同大馬女神就冇。
飾演患有甘迺迪氏症病人的凌文龍直言很大挑戰，特意在拍攝前探訪肌肉萎縮患者，又學習使用電動輪椅幫助入戲；片中他周旋於兩女之間，與Coffee有親嘴及拖手等親熱戲，跟「大馬女神」只有純友誼關係，問到女方是否他杯茶？他笑指自己無行，原因不夠高大靚仔。Coffee沒想過婚後仍有談情戲，笑言向老公備案時不單沒呷醋，還取笑她奉旨錫男仔。
凌文龍、林明禎
由凌文龍、麥沛東、岑珈其及何洛瑤（Sica）主演的舞台喜劇《三一萬能合》，正於灣仔藝術中心壽臣劇院上演，演期由即日至4月25日，總共演出15場，門票繼續於「撲飛POPTICKET」熱賣。
爆笑舞台喜劇《三一萬能合》門票繼續於「撲飛POPTICKET」熱賣。
《三一萬能合》演出如火如荼，近日不少藝人嘉賓捧場，星光熠熠，當中包括MIRROR的呂爵安（Edan）、楊樂文（Lokman）、陳瑞輝（Frankie）、「6膠」的魏浚笙（Jeffrey）、劉沛蘅（Hillary）、黃正宜（阿正）、徐浩昌（肥腸）、P1X3L的三位成員，歐鎮灝（George）、吳啟洋（Phoebus）、葉振弘（Marco），還有周秀娜、李佳芯、郭羨妮、伍允龍、譚善言、楊安妮（Win Win）、黃梓僑、胡卓希，及一眾ViuTV新劇《IT狗2.0》的演員，拉大隊到場支持，包括陳漢娜、余逸思、陳湛文、李靖筠及林家熙等。
不少藝人嘉賓捧場，星光熠熠。
《IT狗2.0》主創拉隊到場支持。
不少觀眾及嘉賓，觀看後感到驚喜萬分，故事充滿意義，並錄影分享。阿正透露，Jeffrey完場步出時眼濕濕，Jeffrey表示：「好感動，反思整個人生，係一個好有意義嘅故事。」阿正說：「每個演員都能夠擔演到個角色，我看角色還以為麥東係同性戀，Sica好犀利，活潑可愛又有，情感戲又有，珈其好識演出，有一種童真。凌文龍情感起伏好勁，每個演員都做得好好。」
6膠
6膠成員
周秀娜：「珈其好好笑，麥東好正，佢做啲咩都可以觸發到我笑點，很開心的兩小時，個劇好有意思，套劇帶俾我思考。」李佳芯說：「套劇有戲劇、搞笑、娛樂元素，亦有訊息帶出，對於一套舞台劇來說並不容易，今次呢個組合非常之好。」
周秀娜
李佳芯
Edan大讚：「極度推薦，有輕鬆、有幽默、有搞笑，有趣怪，亦好有深度的道理，Sica同其他演員都做得好好。大家睇得開心，又拎到嘢走。」Lokman說：「好鍾意聽麥東唱歌。搵到一班肯同你傾偈嘅人，搵唔到人傾偈就買飛睇啦。」Frankie說：「都好多情，有兄弟情，有愛情。」
MIRROR成員
伍允龍：「用好有趣方法表達畀觀眾，最好嘅喜劇包裝一種悲劇，好值得睇，又開心又感動。」歐鎮灝（George）：「好似睇緊《鋼之鍊金術師》嘅感覺，最尾嘅結局我係估唔到。」吳啟洋（Phoebus）：「台燈聲效果都好好，成個騷都好搞笑。」葉振弘（Marco）：「好好睇，開頭覺得好搞笑，但睇睇吓，開始有種莫名的心酸。」
伍允龍
李靖筠（Gladys）：「頭先有討論個結局係點，所以非常引人入勝。」胡卓希：「估唔到笑中有淚，融合之後乜都冇晒，我會唔會唔捨得呢？」WinWin：「令我都好反思，會唔會都想融合。」黃梓僑：「入面都有幾多情節好感人。」
李靖筠
