Edan半祼照P圖秒變爆肌男 為《大叔》走飯減肚腩誓做大隻安

Edan話自己係24年來最Fit一次。

主演港版《大叔的愛》並在劇中晒六嚿腹肌的MIRROR成員Edan（呂爵安），於社交網分享其「首次下海晒肌」P圖，分享前後對比。

Edan擺晒Pose影相。

他先笑指相片的對比度、飽和度及清晰度都要調至100，就「人人都可以好似有啲料到😎😎」，不過其實Edan為騷肌都有努力，他透露：「當知道《大叔》要除（衫），就下定決心要搞搞佢，起碼搞走個大肚腩先，所以就開始控制飲食，得閒就操吓。就算每日由朝拍到晚，有幾次凌晨返到去都唔瞓住，點都操一陣飲埋奶粉先瞓，都真係幾癲😂。」

Edan將相片對比度、飽和度及清晰度調至100，勁用力P圖。

Edan又指：「雖然最後都唔算好fit，但應該都係我24年嚟最fit嘅一次😆有限時間內都算係咁啦，我收貨㗎啦😎話晒我都唔係賣肉嘅😌同埋說服自己：『呀田』（角色名）好哋哋點會咁大隻㗎呢？🧐」

Edan在拍攝現場盡最後努力操肌。

《大叔》Edan有不少露肉場面。

不過他自爆接下來的工作必須操到好Fit，故現時目標是希望變到「大隻安」。Edan又感謝媽媽日日為他炮製「愛心盒」，唔係愛心飯盒，因為戒澱粉的他要走飯。

Edan為《大叔》騷肌肉，決心踢走大肚腩。

ViuTV今日（23日）舉行「10周年午宴」，席間公布來年多項重點影視計劃，當中翻拍兩部亞洲神劇的消息成為全場焦點。除了「教主」盧瀚霆（Anson Lo）將聯同蘇雅琳（Ivy So）參演港版《金秘書為何那樣》外，ViuTV更宣布已正式取得日本富士電視台授權，翻拍經典日劇《悠長假期》（Long Vacation）。

ViuTV宣布翻拍經典日劇《悠長假期》（Long Vacation）

港版《悠長假期》的選角堪稱「夢幻聯動」，原版由木村拓哉及山口智子飾演的經典角色，將由呂爵安（Edan）及視后李佳芯（Ali）擔綱演出。Edan今日在活動上分享感受，坦言得知消息時感驚訝：「開頭收到消息都打咗個突。我上一次喺《大叔的愛》係演田中圭嘅角色，冇諗過今次會變咗演木村拓哉。」

呂爵安（Edan）將會擔演木村拓哉的經典角色

李佳芯（Ali）則演山口智子

Edan續指，深知《悠長假期》是不少港人心中的神劇，絕對會好好把握機會，目前已積極與導演溝通，希望能拍出具備香港特色的版本。

除了兩位主角，劇中另一重要角色「葉山真二」（原版由竹野內豐飾演），將由江𤒹生（AK）出任。

此外，ViuTV亦預告來年將繼續製作更多多元化節目，當中包括鏡粉（MIRROR粉絲）最期待的MIRROR 12子全體團綜 ，預計將於今年內成事。而另一焦點作《金秘書為何那樣》，則由Anson Lo飾演霸道總裁，配搭Ivy So飾演的秘書，強大顏值陣容預料將掀起新一輪追劇熱潮。

MIRROR 12子全體團綜 今年內成事

大家要期待下啦