8月1日拎消費券無走雞？

萬眾期待嘅政府消費券，第一期$2000星期日(8月1日)就到手喇！確實諗起都興奮！我有啲friend 一早已瞄準「心頭好」，準備好一炮過買之前十五十六唔捨得嘅大額嘢，亦有friend 話鍾意細水長流「慢慢搣」，總之就各適其適、齊齊興奮啦。可以肯定嘅係，大家手上多了這筆意外之財，行街食飯買嘢時心情會爽啲，手都梗會爽啲。

萬眾期待嘅政府消費券，第一期$2000星期日(8月1日)就到手喇！

早幾日我睇新聞，見到話成個消費券計劃至今已收到超過650萬個登記，即係全港超過九成市民都已經登記咗。當中大約500多萬個係頭兩個星期成功透過電子登記嘅市民，就會率先係星期日拎到第一期$2000嘅消費券，計番條數，即係相等於即刻向本地市場注入大約100億元的消費力，規模確實龐大！難怪近日行係條街，發覺唔少鋪頭都已經加裝咗電子支付工具，對於在疫情期間「餓」左生意好耐嘅本地零售飲食界嚟講，睇嚟已經磨拳擦掌準備好，爭取呢筆龐大消費額！

消費券計劃至今已收到超過650萬個登記。

雖然話頭兩個星期上網登記嘅，都可以係星期日收到錢，但我都「八掛」到有啲個案，似乎係差啲手續未搞掂，所以未必可以係星期日收到券。我於是乎就向局中人打聽下，他們話的確係有啲咁嘅情況。例如，有登記人被選中要就「在港居住」聲明作抽查，但佢哋就無跟指示聯絡Deloitte（德勤），而Deloitte又搵唔到佢哋；又或者佢哋未能及時交齊所需嘅證明文件比Deloitte做核查，咁呢啲情況下個登記就即係未完成，未可以攞券住。

又有一種情況，係市民做電子登記時，選擇以上載身份證複本作身分認證，不過，佢哋係7月17日或之前，仍然未上載身分證複本，咁個登記都係未完成嘅。如果大家對自己係咪成功登記有所懷疑，或者想知自己登記的進度、使唔使再交文件或其他證明的話，可以打熱線電話18 5000，透過簡單的語音系統查詢自己的登記情況。我自己都用過條熱線，好快駁通，輸入少少資料就成功查詢到，都算幾方便。

差啲手續都唔緊要，只要盡快補齊返所需文件，在獲核實資格後仍可以在9月1日獲發第一期消費券。

不過，即使遇到呢啲情況，大家都唔使太過傷心，事關你只要盡快補齊返所需文件，在獲核實資格後仍可以在9月1日獲發第一期消費券。至於八月份點算？宜家外面咁多優惠，唔使旨意忍到手㗎啦，大家因自己需要預先駛啲，提早幫手促進下本港經濟，大家開心啦。

消費券步入發放階段，我聽聞各間儲值支付工具營辦商都緊張為系統做最後測試準備，希望派發當日一切順暢。不過，市民初次用起上嚟嘅時候，可能始終都要「摸一摸」。其中聽講Tap&Go「拍住賞」就好想提醒用戶，要將消費券帳戶入面嘅虛擬Mastercard卡和虛擬銀聯卡加到Apple Wallet、Google Pay或雲閃付app，先可以於本地實體商戶用消費券俾錢喎。咁大家預先聽話set好，到用券時就爽上加爽啦。

消費券步入發放階段喇！

到底星期日消費券派發日市面的情況會係點呢？各商場食肆人流又會有幾暢旺呢？相信坊間好多口痕友以至政府官員嗰日都會睇到實！

容義用

** 博客文章文責自負,不代表本公司立場 **

消費券計劃正式開展一個多禮拜，登記速度快過打針。睇返政府的數字，全港已經有超過七成人登記了消費券。已收的申請總數講緊約550萬。當中約八成、大約是450萬人是利用去年的現金發放計劃資料作身分認證。餘下的人則選用另外兩個方式認證身分，包括用政府數碼身分「智方便」程式登入；也有人是選擇上載身份證來進行。

如果想跟上大隊，開開心心在八月一日收到消費券，最遲就要在今個星期六晚(7月17日)做登記。

我等閒人因為之前打了疫苗，已啟用了智方便手機程式做電子針卡。逆向思維指導下，早幾日才上網登記消費券，輕輕鬆鬆三分鐘搞定。隔左幾日已收到成功申請的短訊，確認我將在八月一日收到消費券，實在諗起都開心。價值二千大元的第一張消費券即將到手，究竟點駛最著數，不同的消費攻略各有套路。我的目標是將五千元的消費券，連同疊加優惠與抽奬著數，消費到相等於一萬元的總值。

如果想跟上大隊，開開心心在八月一日收到消費券，最遲就要在今個星期六晚(7月17日)做登記。

今日食晏時，聽到「勿演姐」講，如果想跟上大隊，開開心心在八月一日收到消費券，最遲就要在今個星期六晚(7月17日)做登記。我偷聽到「勿演姐」同隔離枱的阿叔講，她今朝上網登記時，選擇了以上載身份證來確認身份，隔三小時已收到短訊，提示她可以到網站上載身分證，要做埋呢步才算完成登記，經審核為有效申請後，才可趕及坐上消費券的頭班車。

我見政府最近都有加強提示，提醒選擇了這途徑來認證身分的朋友，記得要完成上載身份證呢個手續。因為做左登記後，要隔三小時才可以上載身份證，怕容易唔記得。聽我老友講，透過這途徑申請但至今還未上載身份證的人，分分鐘都有幾萬人，如果過左星期六才想起這件事，屆時即使做完呢一步，也只能等到九月一日才收到第一張消費券呀。

用智方便登入，唔駛上載身份證。

「點解要上載身份證嘅？」老婆聽D唔聽D，以為個個都要上載身份證，頓時精神緊張，事關佢無做過呢一步。老婆大人呀，你當然唔駛上載身份證，因為我已經幫你用了去年政府派一萬元的戶口資料來核實身分。而我就係用智方便來登入，所以都唔駛上載身份證囉！

話時話，之前聽我個同鄉講，佢登記時都出了蝦碌嘢。事關佢要幫阿爸登記，由於佢一直有keep 住阿爸的身份證影印本，諗住全程遙距完成，唔駛佢老人家。點知登記出了問題，打極資料都登記唔到，仲以為個人資料被盜用了，嚇咗半日。後來發現，原來阿爸早前更換了新的智能身份證，但佢保留的只是舊證的影印本，所以申請時錯填了舊證的資料，好彩發現得早，拿拿聲補飛，否則過左頭班車的日子，老豆實詐型。