今屆東京奧運會港隊表現大勇，共摘得1金2銀3銅共6面獎牌，創下歷史最佳成績。
「牛下女車神」李慧詩同隊友鼓勵大家打針都幾搞鬼。
凱旋而歸後，香港女子乒乓球隊三小花杜凱琹、李皓晴、蘇慧音，同埋「牛下女車神」李慧詩及隊友李海恩、梁寶儀、逄瑤、楊倩玉近排又聚埋一齊，特登拍片鼓勵市民打針，為大家加油打氣。
特區政府今晚（12日）喺Facebook「添馬台」發文，話憑着堅毅不撓的精神，香港運動員在東京奧運取得歷史佳績，全港市民都為他們的成就引以為傲。
李晧晴。
帖文附上了港隊隊員拍嘅影片，希望將佢地喺運動場上堅毅不撓的精神，帶到抗疫戰當中，鼓勵市民快打疫苗，「要贏就一齊贏」。
杜凱琹。
李晧晴在短片中表示，對抗新冠病毒最有效的方法，就係接種疫苗。杜凱琹同李慧詩認為，打咗疫苗，同屋企人、朋友出街都放心啲，去比賽亦都安心啲啦！蘇慧音呼籲，每人出一分力，就可以戰勝疫情。
蘇慧音。
特區政府指，面對世紀疫情，我們也要有像運動員一般的毅力和意志，快打疫苗、堅守防疫措施，為香港早日築起鞏固的免疫屏障，打贏這場抗疫戰。
疫苗資訊及預約: www.covidvaccine.gov.hk
Sebastian
** 博客文章文責自負,不代表本公司立場 **