在外超人在內浮游生物｜刁佬

相信好多人都會覺得刁佬嘅生活周旋於權貴與老闆之間做交易，必定有好多待人接嘅秘方。其實唔係有啲乜嘢特別，不過因為更加近距離面對呢一啲大人物我哋對於佢哋日常生活有更深切嘅體會。喺呢度同大家分享一下，一啲冇人相信但係好簡單，而且可以做得到嘅方法。

其實對住權貴或者有錢老闆，一個成語就已經可以概括我哋既行為守則，最有效嘅方式就係「不亢不卑」。其實好多人都會以為對住權貴或者老闆，需要額外畀多一分尊重，小心你嘅言行，更加要照顧好老闆嘅弱小心靈。其實喺刁佬眼中呢啲都唔係最重要的。老闆搵你開會，需要嘅係正確嘅資訊，老闆最憎嘅就係有人浪費佢嘅時間，因為老闆有錢，有人，就係冇時間，佢同你一樣，每日都係得廿四個鐘，佢會覺得如果你兜圈，講埋一大堆廢話，都講唔到重點，就係嘥佢時間。就算你講到天花亂墜，無論點都好都會覺得，佢最寶貴嘅資產俾你喺度浪費緊。所以對住老闆嘅時候，只要有禮貌地切入重點，講出需要嘅資訊就好足夠，當然老闆未必係技術人員，好多時候未必明一啲高深嘅複雜嘅交易結構或者資料，但係做得老闆心中條數都係雪亮的。只要你大概講出方案，具體操作細節可以略過不提，老闆自然知道如何解決當前嘅問題。

另一方面，大家唔好忘記老闆都係人，同你一樣，要食飯了瞓覺，呢啲廢話刁佬都講出嚟，可能你會覺得好奇怪，不過大家有冇諗過點解老闆好多時候都好鍾意叫人加班或者係禮拜六日開會。喺呢度刁佬就出賣一下老闆們嘅小秘密，其實好多老闆喺公司叱吒風雲，返到屋企一樣係一個丈夫及父親，各位讀者如果做得人老公同老竇，應該知道呢個身份係有幾無助同幾咁卑微。做得人老竇同老公嘅都知道，呼風喚雨嘅係對方，默默承受同付出，係你嘅責任。如果你係老闆，你鍾意返工，萬人之上，定係返到屋企，做一個卑微嘅浮游生物？ 如果禮拜六日，當老婆唔理你，啲仔女唔同你食早餐，亦都唔睬你，喺屋企除咗俾人糟質，就係做家頭細務，同比人點去做日常生活你最唔想做嘅事，你會唔會寧願返公司開會呢。

老闆都係人，正常地佢都會作出對自己心靈比較舒適嘅選擇。喺呢度希望大家明白當老闆叫你週末放假其間開會，咪當係安撫一下老闆嘅弱小心靈，盡量幫下忙啦。

刁佬工作室

** 博客文章文責自負,不代表本公司立場 **

今期繼續附庸風雅，除咗大家好有興趣的聲色犬馬外，講下刁佬聽咩音樂及刁界人喜歡咩運動。做刁需要高度集中，如果回到家中好似係成車煙盒既貨車大哥咁聽「呠滋呠滋」，應該成晚學哥哥咁唱「Woo Hoo 無心睡眠」。刁佬喜歡聽Jazz（爵士樂），帶點鬱抑又有節拍，不像流行曲大眾化，又未到古典音樂咁高尚，啱哂刁佬紓緩工作上的精神緊張，又可以落下吧。

Jazz中文名爵士樂，名字很上流，但其實最初的爵士樂是起源於異鄉的非洲奴隸，在19世紀末期至20世紀初期的非洲藉美國人的社區，爵士樂由一些美國南部非洲民謠的散拍開始，這種輕鬆自由看似無組織的音樂，從低下階層蔓延到妓院，早期的題材大多牽涉性愛，後來被1930至1940年代的搖擺樂吸收，在酒吧間的即興表演中流行。

正如所有文化都會經歷轉變與挑戰，到1960年代靈魂樂與搖滾樂興起，鬆散而情感力量不強的爵士樂吸收了流行音樂的元素，變成今日大家覺得又有搖滾風，又有藍調，又有點懶散感覺的爵士樂。「當你不知道叫什麼音樂時，這就是爵士樂」，正是這種自由、即興表演及兼融並包的特性，令它能維持生命力，在文化長流中長青。

刁佬年輕時曾經做過救生員，日日睇住啲人係水上漂流，如果聽住太放鬆的音樂，真係容乜易瞓著，有人嗌救命都聽唔到。所以十分明白啲摣貨車既夜遊少女搜索隊, 除咗一車萬寶路煙盒仲必定配上強勁音樂，唔係點提神? 反而上了年紀既的士司機，摣車為揾食都會認同「馬路的事，不容有失」，所以一般的士佬都係聽啲輕鬆音樂。

至於運動，雖然刁佬身型到心理是一個中佬，但後生時曾經因為金融風暴冇刁做，而日日跑山，試過準備比賽跑到成身只剩大髀有肉。其實唔少刁界及投資銀行既朋友喜歡做極限運動，極限運動的危險性高、風險大、技巧及體能要求高，如何掌握訓練及休息的時間控制，對突破自我、時間管理均有幫助，不過刁界朋友唔係喜歡跳崖、街頭跑酷之類的極限運動，而係如三項鐵人、毅行者及全馬拉松的耐力賽。喜歡做刁的人都係鍾意挑戰自己，極限運動就是挑戰自己的身體極限，耐力賽就是測試自己的毅力及意志強度。

極限過後自然歸於平淡，現在的刁佬，每週跟美女瑜珈老師一家大細一齊做瑜珈，事後打邊爐食雪茄，共用天輪樂。