旋轉木馬斷捨離｜刁佬

近日刁佬辦公室搬遷，搬遷之時少不免檢視舊物，有些舊物擺在辦公室久了，融為一體，到搬遷時才發現它的存在。

這堆舊物無觸碰這麼久，對物主來說價值近乎零，但有些十分新淨，扔掉又很可惜，陷入雞肋之境。

有同事提議可把它們送往Carousell，刁佬覺得一試無妨，反正都扔了，全數收益撥至零食基金。

其中一件舊物是羅霖寫真集，有年輕同事不知羅霖是誰，以為是《哈利波特》作者JK羅琳。刁佬將寫真集送了給一位血氣方剛的男同事，男同事隨即把它送進垃圾桶。

豈料同事撿起拍照放上Carousell標售$99，在七分鐘左右便有人下標買。男同事大呼掉咗一舊水落垃圾桶。

細看Carousell上的貨物乜都有，有很多所謂二手舊物都係買多了，唔啱心水或Size便淪為舊物，而非用殘用舊，顯示香港人的物質生活十分富裕。

平時唔執下辦公室都唔知，辦公室內有日本手繪畫作家設計的關公Figure、茅台、響威士忌、一堆梅酒及紅酒，細數一下都花過唔少冤枉錢！

據Carousell自己的統計，每位用戶每月平均交易量為$4,000。其實都幾好，執吓屋斷捨離，讓物件搵到新主人，自己又可從交易中贖罪。不過有地方畀你贖罪，唔代表鼓勵大家亂消費完又放上去，買嘢前都應該清楚諗吓係咪需要。

時下流行斷捨離、平躺主義，抗擊上世紀資本主義帶起的消費主義，雖然Carousell叫旋轉拍賣，但這拍賣平台與21世紀初科網興起時的Yahoo拍賣很不同，沒有競價倒數，不走越拍越高路線，而是買賣雙方自己慢慢傾掂數。

刁佬有本枕頭書名叫什麼listed companies compliance咁上下，寫成於2011年，舊到唔舊，期間條例已經歷多項轉變，居然都能以$500成交，對方買了後如獲至寶，給予刁佬五星評價。現在零食基金已滾存至$600，希望唔止買到靚零食，仲可以擦餐豪。男同事再度大叫：「呢本嘢值$500？」真係越發掘越新奇。

有朋友試過賣部壞咗嘅雪櫃，以驚喜價$300成交，平時呢啲大件白色家電要自己拎去垃圾站，家下有人要不得止，人哋仲上門自取。

你既草係人哋既寶，旋轉拍賣促成舊物易手，落入新主手中重現價值，舊主獲得金錢又可投入新東西。我們做刁的，何嘗不是幫助買賣雙方達成共識，以價格交換價值？

刁佬工作室

** 博客文章文責自負,不代表本公司立場 **

政府成日呼籲大家北上發展，又云大灣區多機遇，經常推出政策叫大家返去工作生活，眾多的地產經紀除了推新盤外，就是推大灣區盤。近年咁多新晉內地富豪崛起，連啟德地皮都多內地發展商參與，似乎想發達點都要北望神州。

不過北上定義遼闊，香港以北都可以稱為北上，烏魯木齊同深圳都已經好唔同啦。大灣區內肇慶同廣州又係差得遠。刁鳳於是請教下初出茅廬便馳騁神州大地做核數的刁佬，遠的不討論，就討論國內城市的四大藍籌－北上廣深。

北上廣深名列首位的北京，自明代以來就是皇帝定居之都，現在中國國家領導人居住的中南海，亦是明清紫禁城的一部份。單單說這點便知道北京定都歷史悠久，政治氣息已植根於整個城市。在北京工作的刁佬，大多擅於利用政治關係抓批文，精準出擊國家政策，長袖善舞者眾，動手工作者少。所以前輩留存一金句，到了北京才知官小，刁佬就話去到北京才知刁細，京城討論的刁要有跨國格局，少個零都比人笑。

上海則是一個普通話版的香港，商業活動發達，自然好玩既嘢都多。內地人稱上海為魔都，在刁佬眼中上海是一座罪惡之城，美女、物質、金錢、權力及誘惑的集中地，只有你想不到，沒有買不到。所以刁佬對一眾出差上海的兄弟都十分凝重提點，小心女人，尤其是在上海！上海美女集台灣的嬌嗲、北京的知書識禮、香港的國際視野於一身，未討論身材都已是尤物，好多出差上海的英雄難過上海妹一關。刁佬有位兄弟做咗上海姑爺，婚前女友洗衫煮飯，打不還手，罵不還口，當時簡直係男人的偶像。婚後角色易位，他與其他上海姑爺互聯互通才知這不是個別慘案。所以上海姑爺婚前無得頂，婚後無咗影。兄弟到明白之時，對唔住，你已落咗坑。順便一提各位兄弟，好多上海妹已知自己天下馳名，因此自稱江蘇妹。以後兄弟們聽到江蘇妹自己睇路啦。

刁鳳心諗刁佬講上海花了咁多篇幅講上海姑爺，唔知係咪曾經身同感受，不過刁鳳都係想知去邊度淘金好。刁佬話現在廣州已很少有廣東人，地理位置上亦離北京遠。講起廣州，刁鳳個腦就想起炳勝的菠蘿叉燒包、蓮香的點心及上下九的雙皮奶。全中國的菜系都受川菜了的影響，不多不少都喜歡加麻加辣。有次刁鳳去南京，明明說好的是浙江菜，都加了辣。現在唯獨得返粵菜仍可堅守傳統，運用食材本身的優點，抗擊麻辣。

至於深圳，相信係香港人去得最多的大陸。現今的深圳尤如聯合國，不同國藉的人都來這裡淘金，深圳將來會取代上海成為冒險家樂園。許多新崛起的富豪，早年都係於深圳發跡，而且各行業都有。深圳在鄧小平南下講話後成為經濟特區，鄰近香港亦因而受香港影響大，又係離香港最近的內地城市，對內地人來說走錢相當方便。