速遞員錯手掟包裹上屋頂

送包裹發現收件人唔喺屋企，速遞員通常都會先收起包裹下次再嚟過，但係英國有人唔知係因為情急定係1無常識，一下拋咗個包裹上屋頂，仲留咗張字條話：「對唔住，喺你屋頂。」

收件人返到屋企見到張卡梗係嬲到爆，影低「物證」放上網公審，質問速遞公司個送貨員係咪弱智。公司發言人唯有扮死狗道歉，解釋個司機本來瞄準窗口，點知失手丟到上屋頂。事後個司機帶備長梯返到間屋，為收件人取回包裹及道歉。

奇趣錄

** 博客文章文責自負,不代表本公司立場 **

《孫子兵法‧軍爭編》有云，打仗行軍要疾如風，徐如林，侵掠如火，不動如山，難知如陰，動如雷震。坦克車一係唔郁，一現身自然要夠快夠狠夠霸氣！呢度有條示範影片，睇睇專業人士點樣用運輸機高速投下一架坦克然後急速飛走。