二人繼《殺手》後再次合作！
陳豪及龔嘉欣今日（13日）出席TVB新劇《四十二章經》的拜神儀式，其中龔嘉欣要黐鬚根扮「豬肉佬」，天生神力斬豬肉，為此她專程上堂，再去街市揣摩兩小時，龔嘉欣謂：「監製陳維冠每次都俾我新挑戰，雖說之前講話拍完《殺手》唔再拍打戲，但陳維冠叫到唔會托手㬹，劇中一打十幾，仲要上威也堂。」
各人造型各有不同。
繼《殺手》後再次合作演對手戲。
要黐鬚扮豬肉佬。
專程去街市揣摩。
至於 陳豪則飾演大學教授，因前世跟康熙有關，詩詞歌賦不離口，他笑言自己的中文水平強到兩步成詩，不過對老婆講情詩則要講英文。談到獲台前幕後票選為「最NICE藝人」，陳豪笑說：「請多啲人飲咖啡就達到成果，其賓大家都係我嘅白老鼠，有我喺度就一定有咖啡飲。」
扮演教授出口成詩。
陳豪和龔嘉欣再度合作拍新劇。
TVB網絡系列《電視城內》，請來兩屆視帝陳豪擔任嘉賓，和大家細訴他的電視故事。由模特兒踩入影圈再轉戰公仔箱，陳豪愈做愈出色，全因外表斯文溫柔、骨子裏鬼馬搞怪的反差萌，令觀眾有意想不到驚喜。作為演員，能有這種特質，也許是一份恩典，陳豪絕對是備受眷顧的一位。
陳豪於訪問中分享很多不為人知的秘密。
陳豪最初拍電影多演古惑仔。（AI生成圖片）
陳豪首套劇集是《妙手仁心II》。
陳豪爆蔡少芬比他更貪玩。
陳豪沒有回應是否3,000萬年薪。
陳豪於電影圈時期浮浮沉沉，拍了大量江湖片演古惑仔，後來電影市道不景，他決定試試電視台，並跟自己許下承諾：「如果電視都唔得，就唔要再留喺娛樂圈。」2000年，陳豪穿着西裝、頂着金毛入電視城見曾勵珍，他知道是時候轉跑道。珍姐見他說話斯文溫柔，外表和骨子裏反差極大，反而令人覺得「呢個人唔知點咁嘅？」那年他正式加入TVB，轉眼26年。
有日好似突然被光束照射，陳豪從此戒夜蒲。
陳豪否認與陳鴻烈是父子關係。
陳豪否認與陳鴻烈是父子關係。
初拍古裝狂NG
陳豪第一部劇是《妙手仁心II》，起初試造型是警察，但首日拍攝卻變醫生，他笑言：「好彩Daddy係醫生，加上自己斯斯文文，依家睇番見到一個動作，唔知係咪扮型，總有一邊手會插住褲袋！」之後陳豪拍第一套古裝劇《洛神》，對「番書仔」來說是巨大挑戰，他坦言當時每句對白NG 30至40次，非常感謝同劇演員幫忙。拍《洛神》時，陳豪遇上比自己更貪玩的蔡少芬，兩人不用埋位時玩個不亦樂乎，結果被監製梅小青責罵，但罵完後發現他有喜劇元素，從此劉家豪拍喜劇全部找陳豪。
陳豪於《點解阿Sir係阿Sir》盡顯搞笑天分。
陳豪打開Locker，粉絲寄給他的信多到跌出來，更有不少禮物。
陳豪每天都會跟陳茵媺咀嘴和講I Love You。
陳豪拍喜劇《點解阿Sir係阿Sir》盡顯搞笑天分，獲外界一致好評，他坦言當時有壓力：「你哋成日將我同星爺（周星馳）比，但我唔係星爺，我唔係嗰樣嘢嚟，我係陳豪，我係另外一套嗰樣嘢，我都盡能力將自己嘅喜感、一啲癲嘅嘢放咗落去。」
對於網上有資料顯示陳豪是已故藝人陳鴻烈的兒子，加上兩人樣子有幾分相似，故不少網民指他們是兩父子，陳豪笑言：「好多人都以為烈哥係我老竇，唔係呀，我老竇唔係烈哥呀！」另有傳他年薪3,000萬元，鬼馬的陳豪笑言：「我唔會話你知！」
陳豪帶大家參觀古裝街。
似被上天呼喚戒夜蒲
陳豪自爆年輕時喜愛夜蒲，直到有一天，突然像有束光射到他身上，跟他說「夠喇」，從此他厭倦夜蒲生活，從此努力建立自己新的人生。
陳豪即場Rap。
陳豪與阿佘於《公主嫁到》鬥Rap。
陳豪陳茵媺每日咀嘴講I Love You維繫感情
「愛妻號」陳豪與太太陳茵媺結婚13年恩愛如昔，維繫感情之道是很少吵架，兩人都會以保護關係為大前提。時至今日，兩公婆每日都會錫對方至少一次、講I Love You，又會不時過二人世界及送花等：「就算覺得好假都一定要囉！夫妻關係一定要好，屋企至會好，小朋友先會開心成長。」
除了專訪，《電視城內》每集都會帶大家暢遊電視城。今集陳豪帶大家參觀自己的Locker和古裝街。當陳豪打開Locker，驚見擠滿了粉絲寄給他的信和禮物，數量多到誇張。陳豪又到古裝街懷緬與好拍檔佘詩曼拍《公主嫁到》鬥Rap的情景，更「技癢」下即場創作一段Rap！想睇陳豪Rap啲乜？就要重溫《電視城內》喇。
