李克勤嘗試抖音洗腦曲風 新歌《秒針》過億播放次數

今次克勤同內地新人合作。

李克勤早前加盟新一季《中國好聲音2021》擔任導師，他憑着幽默風趣的魅力及赤誠態度，除贏得眾學員愛戴外，亦深受觀眾及網民歡迎。近日克勤跟以抖音名曲《大風吹》爆紅的內地新潮音樂人王赫野合作，推出充滿八、九十年代香港曲風的廣東作品《秒針》，大玩復古情懷。

《秒針》上架幾日已達破億的播放率。

克勤坦言今次的嘗試是要突破自己：「想嘗試新嘅嘢，亦都想嘗試唔同嘅製作班底，唔同嘅合作伙伴。唔係一定要一貫用開嘅製作班底、曲式或者做法先至得。」克勤向來對自己歌曲參與度甚高，今次卻沒有出過任何意見，他配合對方，因為想做一次比較貼地的做法：「所以要先放低個香港歌手做國語歌嘅包袱，而去做一首這類型嘅歌。」《秒針》旨在打破聽眾對於常規廣東歌曲的印象，帶來耳目一新的感覺。

克勤的新歌大玩復古情懷。

跟王赫野的合作，克勤笑說是「天方夜譚」：「同王赫野係第一次合作，我諗我哋喺年齡同資歷方面，差唔多係最遙遠嘅合作。因為我入咗行三十幾年，佢只係三個幾月，哈哈！係一個完全天方夜譚式嘅合作。但我覺得既然大家碰到係一個緣份，就唔好諗咁多。」

克勤笑言與王赫野（左）合作是「天方夜譚」。

歌曲上架只有數日，已在播放平台超過一億次的播放次數，克勤直言找對了曲風：「證明呢一類有少少洗腦式嘅曲風，喺一啲手提電話短視頻裏面係好啱數去用，呢個亦都係我哋有呢一個合作嘅主要原因。音樂係應該有無限可能，本住呢個精神去做，乜都試吓。」

克勤錄製《秒針》一改過往的方式。

1992年前港姐冠軍盧淑儀與李克勤於2006年拉埋天窗，婚後育有大仔李立仁（Ryan）與細仔李力司（Rex），一家四口生湩幸福美滿。盧淑儀婚後便淡出幕前專心相夫教子，閒時就會陪伴老公旅行、打波、睇球賽，生活相當低調。不過，盧淑儀弟弟盧煜培近日捲入債務風波，據知家人前後已替對方還了過千萬債務，但情況未見改善，盧爸爸今日（11月12日）無預警下發聲明與兒子正式脫離關係！

盧淑儀與李克勤

一家四口

盧淑儀在社交平台公開盧爸爸聲明，聲明中寫道：「本人盧國輝特此聲明，本人自2025年11月12日即日起與兒子盧煜培Lo Yuk Pui身份證號碼Z418XXX（2）正式斷絕父子關係。此後有關盧煜培之一切行為及金錢糾紛，均與我本人、我的家人一概無關。」而盧淑儀亦罕有地回應事件，「因為弟弟之債務問題，目睹年邁的父母晚年仍因事件而備受煎熬，十分心痛。多年以來，我哋全家已竭盡所能，多次為其處理債務，幾乎傾盡所有，但情況未見改善。與家人慎重商議，才作出這個艱難的決定。希望傳媒朋友能夠體諒作為家人的處境及心情，不要再就此事向本人、父母或我們的其他家庭成員查詢，此後我們亦不會再為此事作出任何回應，謝謝。」

與家人合照

與家人合照

而李克勤則透露霍汶希（Mani）代為回應回：「對於家人因為這件事所受到的困擾，我感到非常心痛。我完全支持及尊重外父、外母及太太的決定。此事我們不會再作任何其他回應，希望大家能給予我們家人空間。」

李克勤與盧淑儀