28歲的純女江若琳（Elanne），近年來返內地密拍戲，每年留港時間僅得一、兩個月，似個強國人。掘金三年，唱歌出身的她希望新一年重拾歌手夢，日前她首度性感大晒四吋事業線拍廣告時，直言明年將回歸港樂壇，更覺得「年紀唔細」可以行性感。她話：「o依家大個女，可以健康性感！」露肉靚相背後，原來當日Elanne帶病上陣，被風吹到險些暈倒，唔舒服仍死撐七小時，非常專業！
《頭條日報》獨家報道，目前正身在英國倫敦修讀短期演藝課程的Elanne，上月完成內地工作後，即返港積極學結他，望明年重返樂壇時，可以嘗試作曲填詞兼自彈自唱，轉做創作女歌手！她接受電話訪問說透露：「有成三年無出新碟，粉絲都成日催我出新歌，過去一年半拍了五部電影，下年陸續宣傳電影外，希望專注唱歌，將呢幾年好有經歷嘅江若琳呈現畀大家睇。」
臨飛英國前，江若琳為合作兩年的化妝品牌WOW WOW拍攝全新一輯彩妝廣告，酬勞加碼，Elanne亦換上四套衫瞓身演出，其中一套更挑戰她底線，首度穿上泳裝狂晒四吋事業線，拍攝時被三把風扇吹出誘人效果。
她回憶當日說：「嗰日我重感冒，最慘係一直被風扇係咁吹，更加傷身。影影吓，工作人員突然嗌停，叫我休息飲杯熱茶，原來我影到面青口唇白都唔知，走入化妝間即刻天旋地轉，好彩當日媽咪為我準備了紅茶，飲完休息一陣再影過。」
壓軸一套衫，Elanne戰戰兢兢換上白色連身泳衣，下配短皮裙，中胸設計大晒事業線，她黐好膠紙及半清場，才大膽搔首弄姿夾胸影相，她說：「以前好少性感，但今年28歲啦！都大個女，覺得可以逐步性感，如果效果靚唔介意sexy啲！(重返樂壇會轉性感形象？)都可以O架！如果造型好似套白色衫咁有型格，可以考慮。」
