他現時可以左右手開弓。
陳卓賢（Ian）今日現身商台接受森美和小儀主持的節目《早霸王》訪問，節目中Ian分享了一個小秘密，原來他天生是一個「左撇子」，但因為自小被爸爸鬧「左手左腳」，便被迫學習用右手。結果Ian用左手或右手拎筷子、刀叉等餐具都揮灑自如，Ian謂：「左邊冇人咪用左手揸筷子，右邊冇人咪用右手囉，鋸扒、寫字都係左右手都得。」有沒有什麼是必定用左手？Ian表示：「刷牙係用左手。」
森美拿起手機跟Ian（右二）及小儀等自拍。
自爆原來天生是「左撇子」。
Ian作曲兼親自執導MV的新歌《搞不懂》，歌曲講述每個人都面對不同難題，即使知道有解決方法也無能為力，Ian 表示：「我認我係多愁善感，可以好簡單，但自己就諗太多，細細個習慣從壞方向諗嘢，做咗個最壞打算先！」
Ian的新歌《搞不懂》有不少自己內心感受。
至於如何釋放負能量？Ian表示：「呢樣係我搞不懂，搵唔到點解決同舒緩，所以MV入面出現兩個Ian，一個喺玻璃屋入面，另一個喺外面望住入面嘅自己又幫唔到，覺得好愧疚，仲有另一個場景係燈塔，代表只要抽身出嚟睇每件事，會搵到一個自己嘅方向。」Ian又坦言性格內向，有時候出街遇到大眾目光關注便不習慣。
陳卓賢到商台受訪大爆小秘密。
前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。
陳卓賢（Ian）推出新歌《Thank You Postman》。
《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」
相關影片可以按以下畫面觀看：
VIDEO
影片連結：
Ian到英國巡唱趁機拍攝新歌MV。
歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。
因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。
Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。
由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」
難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」
情歌系列作品第二章。
今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！
Ian欲寫信回饋粉絲愛意。
