政事
今次出事的銅鑼灣書店股東李波，原來係左派系統出身， 長期在三聯書店工作。
也是出身左派家庭的陶傑，昨晚9時許在facebook貼文， 話「銅鑼灣書店失蹤股東李波，佢個妹妹， 就係佳視七十年代第一代小龍女李通明。今次阿哥誤墮大陸『 絕情谷』，希望唔會十六年咁耐！驚未？」
唔聽陶傑講唔知，原來李波是明星李通明之兄。陶傑又對傳媒講， 過去經常在公開場合碰見李波夫婦：「佢地都係愛國人士， 點知都搞成咁，先離奇！」李波曾在三聯書店任職，而其妻蔡嘉蘋， 以筆名舒非，在《大公報》寫了專欄20年。
不過政壇高人話，李波來自左派出版系統，真係一啲都唔出奇。 通常最識得借反共搵食之人，就是來自左派系統的人， 佢地熟門熟路，知道體制的弱點。而且講得唔好聽一點， 佢地都係呢瓣最叻，叫佢地做其他野都未必識。 李波過去在三聯做過，摸熟了圖書發行市場， 就懂得如何出禁書賣去大陸賺錢啦。
https://www.facebook.com/tokit.channel/
Ariel
** 博客文章文責自負,不代表本公司立場 **
銅鑼灣書店負責人李波失蹤事件有突破性進展， 李波妻子指下午回到公司見到丈夫傳真親筆書函，得悉他情況良好、 身體無恙。李太覺得「鬆一口氣」，到警局銷案， 但警方仍表示會繼續調查。
雖然李波尚未現身，但至少他太太相信他無事才會去銷案。 至於事件中一大疑點， 是李波究意是自願回內地還是被內地執法人員強行挾走， 按李波自己的版本，是他自行回去，他在信中提到「 我急需處理有關問題，不能讓外界知道， 已採取了自己的方式返回內地，配合有關方面調查。」
政壇八卦友話，成件事在降溫中，其實中午時特首CY的講話， 已露端倪，CY當時講：「在一國兩制下，根據基本法， 只有本港執法機關人員有權在本港執法， 香港以外的人員在本港執法均有違基本法， 若內地執法人員在香港執法是不符合基本法，是不能接受的。」
佢話，大家都知特首緊跟中央路線， 若然是內地公安或國安人員來港拉人，按理CY無理由咁大聲話「不符合基本法，是不能接受的。」 佢咁講顯示有信心唔係內地執法人員在港出手。
成件事唔係朝硬踫硬方向發展，而是朝降溫方向發展，似乎在拆緊拆炸彈。政壇八卦友話，李波那兩句「 我急需處理有關問題，不能讓外界知道」，似乎有把柄在對方手上， 所以只得乖乖回內地自行拆局。
