陳楨怡應酬林正峰勁冷淡 葉靖儀笑住冧怕醜仔陳國麟

J2新節目。

J2節目《不能只有我看到的便利店追女神食譜》於昨晚（25日）及今晚10點半播出的第七及第八集，嘉賓是2020年港姐亞軍陳楨怡（Celina）及應屆落選港姐葉靖儀（Michelle），有幸「追求」女神的主持為林正峰及陳國麟（Doniven），而施焯日（Arthur）及曾展望（GM）則安心負責「後勤」工作。

今集又係正峰贏！

正峰忽然硬Tag自己有大男人特質，稱符合Celina的擇偶條件。

正峰搞爛gag又真係幾爛吓。

兩位女神風格截然不同，有「長腿女神」之稱的Celina，全程表現得「一切盡在掌握之中」，無論正峰發表爛到爆的甜言蜜語、搞爛gag或玩餵食等，Celina表現冷淡又冷靜，最多只應酬式笑兩吓。不過Celina於適當時候又會將正峰捧上天，大讚對方似韓國男孩，令正峰暗爽。其間Celina大方分享擇偶條件，除了要夠高外，鼻子一樣要夠高，十分特別。而二人進餐時氣氛良好，正峰滿有自信地問自己的得分，豈料Celina指離合格有很大段距離，被擊潰的正峰大合照時笑不出來，十分搞笑。

Celina對正峰餵食舉動不領情。

正峰（右）大合照時已笑唔出。

Michelle全程表現得平易近人。

而另一女神Michelle則貫徹斯文乖乖女形象，與同樣怕醜的Doniven進餐時氣氛和平，她更連番展露甜笑，令Doniven「紅都面晒」。

Michelle咁投入，難怪Doniven冧晒。

Michelle笑得勁甜。

GM及Arthur（左）沒跟指示買食材。

另外，黃亞保（保哥）的「便利店廚房」本周亦出現重大危機，因GM及Arthur未能在店中尋獲保哥心水食材軟糖，竟自作主張轉買士多啤梨餡棉花糖，更向保哥力Sell「一樣又甜又軟」，保哥搞笑反問：「係咪玩我㗎？」，不過最後仍完成目標菜式，盡顯真功夫。

保哥被GM及Arthur搞到一頭煙。

新一集《追女神食譜》有同是港姐出身的陳楨怡及葉靖儀做嘉賓。

前港姐冠軍陳凱琳（Grace）將參加內地綜藝《乘風2026》（《浪姐7》），成為唯一香港參賽者。近日她趁出席活動，捉實劉穎鏇、鄺潔楹、陳楨怡等TVB小花大拍跳舞片，為節目造勢。

陳凱琳（Grace）將參加內地綜藝《浪姐7》。

Grace近日趁出席活動，捉實劉穎鏇、鄺潔楹及陳楨怡等小花拍跳舞片造勢。

眾人齊跳BLACKPINK成員Jennie新歌《Dracula》Challenge，劉穎鏇與陳楨怡大騷長腿，陳凱琳靠靚樣取勝，鄺潔楹則笑容甜爆，養眼指數爆燈。陳凱琳再與陳楨怡合拍另一段片，展現活潑一面。她留言大晒姊妹情，獲網民激讚期待她在《浪姐7》的表現。

劉穎鏇

鄺潔楹

陳楨怡

畫面養眼。