娛圈事
張馳豪（Aska）和冼靖峰（Archie）昨晚在中環街市參與倒數活動，Aska首年在工作中過除夕夜，他見到fans早已到場霸位支持感到高興，在活動上夥拍馮盈盈及農夫擔任司儀十分緊張，Aska說：「佢哋轉數好快，聽佢哋講嘢時好開心，唔記得咗自己要講咩。」
Aska見有fans到場支持感到高興。
Archie（左）及Aska首年在工作中過除夕。
Archie負責上台唱歌表演，他未及做司儀的Aska緊張，而每次能夠公開演出都會腎上腺素飆升，不過他覺得可以唱歌好幸福，感到興奮多於壓力，他說：「希望每次可以演出不同歌曲，自己已錄製新歌，預計1月派台，由籌備到將近推出都好期待，希望觀眾鍾意。」
Archie笑說每次公開演出都會腎上腺素飆升，不過覺得好幸福。
張馳豪夥拍馮盈盈農夫感緊張 冼靖峰表演興奮多於壓力
《聲夢》大戰《亞洲超星團》！
《聲夢傳奇》家族首個音樂綜藝《新濠風尚呈獻：聲夢1+2》逢周六晚8點翡翠台播映，《聲夢》兩季畢業生齊齊玩音樂玩遊戲，更會衝出香港玩到去澳門。節目每集均會邀來「Sing」級外援嘉賓，與一班《聲夢》畢業生玩到癲！
紅隊代表（左起）：Archie（冼靖峰）、Dez（余宗遙）、Venus（林沚羿）、Rock（何晉樂）
藍隊代表（左起）：Sean（文佐匡）、Angel（劉詠彤）、Pako（區珀豪）、Duncan（侯雋熙）
今集玩轉水上樂園！
Duncan半裸騷健碩肌肉，相當有睇頭！
相反，Pako同Sean著長袖潛水衣上陣。
今晚（20日）播出的第四集繼續玩轉澳門，邀來偶像選秀節目《亞洲超星團》的Archie（冼靖峰）、Dez（余宗遙）、Pako（區珀豪）和Sean（文佐匡）大戰《聲夢》畢業生，分成兩隊大比拼，分別是紅隊的Archie（冼靖峰）、Dez（余宗遙）、Venus（林沚羿）、Rock（何晉樂），對戰藍隊的Pako（區珀豪）、Sean（文佐匡）、Duncan（侯雋熙）、Angel（劉詠彤）。
今集由頭到尾在水上樂園進行遊戲環節，內容依然爆笑，首個熱身遊戲「你超越我 我超越你 估歌仔」，製作組播出AI主持朗讀的歌詞後，兩隊需鬥快估歌名，知道歌名的隊員需要鬥快瀡過一條長滑梯後才能作答。作為藍隊隊長的Duncan「輸人唔輸陣」，半裸騷巨胸兼結實腹肌出戰，相反《亞洲超星團》代表的Dez、Pako和Sean穿T恤上陣之餘，內裡更加配長袖潛水衣打底，當中Dez更著埋長褲，相當錫身！「笠水隊長」Archie全程聲控指揮隊員，獲委派出動的Dez將歌曲《食軟雪糕》講錯為《軟雪糕》，其後Dez不甘心在鏡頭前踢爆Archie是「膽小老鼠屎」：「隊長話佢唔想落嚟，就派我落嚟，佢同我講係《軟雪糕》，我問咗佢三次『You sure?』，佢話『Very certain』。落到嚟，差個食字，唔食點有軟雪糕吖！」Venus則全程邊瀡邊瘋狂尖叫，隔著屏幕也感受到有多刺激。
相反，Pako同Sean著長袖潛水衣上陣。
Dez唔止著長袖潛水衣，仲著埋長褲，相當之錫身！
Venus玩得好落力！
左起：Duncan、Angel
「笠水隊長」Archie猛推隊員出戰，最終Dez「落搭」，仲因為聽隊長的話，最終答錯答案……
Rock踢爆余宗遙有「辨色」困難
另一遊戲「彈彈琴大逃脫」亦相當抵死，兩隊分開輪流限時作賽。遊戲方法是每隊派出一名隊員／隊長根據特製的樂譜彈琴，其餘三名隊員則各自穿上三個水泡聽琴聲「估歌仔」，答中歌名者可除下身上一個水泡，當除掉身上所有水泡後，該名隊員可「逃脫」。當限時一到，預先安排好的大水桶便會淋水懲罰還未成功逃脫的隊員，而在限時內除得最多水泡的一隊為之勝出，該遊戲關鍵是需要在短時間內分辨顏色及圖案，結果「綠色橙色傻傻分不清」的Dez成為老鼠屎。
紅隊Dez負責彈琴，被隊員Rock踢爆分唔到橙色同綠色！
Duncan聽到皺眉頭，紅隊眾人笑爆肚！
「衝浪時估中歌名」考盡平衡力、眼力以及對香港流行音樂熟悉度，難度升級。
Dez平衡力驚人！
Pako估字最犀利！
不過講到最刺激，必定是「你估我唱乜」，每隊派出一隊員／隊長在滑道上高歌，其餘三名隊員分別站在不同的遠距離位置收聽後，再趕往集合討論是哪首歌。紅隊派出Angel邊坐橡皮艇邊獻唱《電燈膽》，可惜卻因為一個原因要「重賽」；另邊廂藍隊的Rock需獻唱《友共情》，隊員聽畢趕著前往討論之際，隊長Archie卻滋悠淡定慢慢行，盡顯「胸有成竹」一面……
Angel滑足兩次，隊員先估到《電燈膽》！
Rock喺滑道唱《友共情》。
Archie滋悠淡定再顯「胸有成竹」的一面！
藍隊合唱《活著VIVA》。
紅隊合唱《Lydia》。
Archie與Rock再度合唱《怎麼捨得你》
至於擂台比拼唱歌環節，藍隊Pako、Sean、Duncan和Angel合唱《活著VIVA》，紅隊Archie、Dez、Venus和Rock合唱《Lydia》；第二回合則重演《聲夢傳奇》時比賽環節，Archie與Rock合唱《怎麼捨得你》，Duncan和Angel邊唱邊跳辣身舞《Trouble Maker》，更重現「爆衫」騷肌經典一幕，將現場氣氛推向高潮！到底最終哪隊勝出呢？密切留意今晚一集《聲夢1+2》。
Archie與Rock合唱《怎麼捨得你》。
Duncan同Angel唱跳《Trouble Maker》，更重現「爆衫」騷肌經典一幕，現場high爆！
Dez用手篤Duncan巨胸玩「檢查」！
