昨日嚴寒多人困大帽山，警方中午開始封鎖大帽山道， 不再讓市民上山。但下午5點幾，一對男女企圖登山，被警員制止，該女子非常不滿，大罵差人，更取出手機，一邊罵一邊影，大喝：「 點解要限制人嘅自由？」警員解釋指因為山上危險，勸兩人離去， 但女子大罵不休︰「我哋有危險我哋會自己負責，條命係我哋自己㗎嘛」。
可以睇睇動新聞條片： http://goo.gl/4skzAM
女子無得登山氣未消，將怒氣轉向在旁拍攝的蘋果記者， 蘋果指她不斷向其記者挑釁「係咪記者？你哋嘅記者證呢？」 蘋果記者未有理會，她仍堅持「我有權睇」，並挑戰說：「 放上網睇吓邊個hitrate高？」 離去時該對男女見有消防員不慎跣倒，竟然大聲取笑。
女子罵人條片實在太出位，佢如願以償，有關佢的新聞hitrate真係高得好緊要。佢好快就俾高登仔起咗底：http://goo.gl/mPMxmG
仲發現女子是參加過遊行的黃絲。有人仲話「其實係咪黑警搵老臨做 PR ja，港女唔會野蠻到咁架wor」。亦有人話「惡過佢既都見過btw 佢都已經將港女既表現發揮到極致」。
結論係無論黃絲藍絲，都頂唔順該女子的行為。
Ariel
** 博客文章文責自負,不代表本公司立場 **
天氣寒冷，教育局昨日宣布幼稚園、小學和部分特殊學校停課一日， 建議停課的立法會教育界議員葉建源認為，當局的決定是從善如流。
成件事是這樣，教協昨日下午四時許緊急呼籲教育局宣布幼稚園及小學停課。 教育局兩個小時後回應，在下午六時許宣布幼稚園及小學停課。
本身是教協副會長的葉建源今早在港台節目話，他們昨日要求教育局宣布小學和幼稚園等停課， 但不包括中學和大學，是因為幼童的禦寒意識較低，體質較弱，大學生與成年人一樣，同樣亦要上班。
其實昨天教育局的建議一出，政界已有人議論，香港這兩日天氣雖凍，但未跌至零度以下，天冷但未出現安全問題，為何要停課呢？天氣凍就停課，世界少見喎。
後來有人提供資料話台灣有部份學校停課，澳門又停課。 澳門的情況比較易理解，澳門政府細，功能沒有香港完備，好多政策都係跟香港，香港停課佢地就停課。至於台灣， 其實只有桃園、宜蘭、新竹、台中等山區12所學校停課。台中市教育局解釋話，近廿年來梨山地區曾有多次大雪， 但從未因下雪停課過，但今次霸王寒流威力實在強大，環山部落等區域積雪嚴重，為學童上學時的安全起見， 首次宣布停班停課。
其實台灣這12所學校停課，和美國校區停課的考慮相似，美國學校在大風雪時是否停課，由校區決定，主要考慮是有部份學童是徒步上學，若風雪太大怕他們上學有危險。
但香港沒有下大雪，今日雖凍仲天朗氣清，幼稚園及小學停課，若家長不用上班，隨時會帶學生出街玩，是否應該停課見仁見智。不過教育局的決定可以理解，因為教協出咗招叫停課，教育局要接招，若不停課，部份想停課的家長必然有意見， 即使他們是少數，都可以好聲大，隨時出來大罵政府，而反對停課的家長意見未必太強烈，不見得會出來支持政府。所以教育局是基於政治考慮而不是安全考慮，決定停課，咁樣做就俾人鬧少啲。不過咁做也有後遺症， 教育局要諗清楚以後冷到什麼溫度就要停課，否則好似好隨意咁決定，就唔係幾好啦。
