On仔和Jase在IG限時動態中用上《留下來的人》最後一句「那日見」互相勉勵。
與C AllStar已合作12年的經理人小吉和監製阿簡今日（6日）移民離開香港，展開新生活。C AllStar其中三位成員梁釗峰、陳健安（On仔）和何建曦（Jase）也到機場送別昔日戰友。On仔和Jase在IG限時動態中用上《留下來的人》最後一句「那日見」互相勉勵，而釗峰則用副歌中一句「只可接受新生活的蛻變」來形容當刻感受。
點擊看圖輯
C AllStar合作12年的經理人小吉和監製阿簡都移民。
他們以《留下來的人》最後一句「那日見」互相勉勵。
經理人小吉（白衫）和監製阿簡（後排）都選擇移民。
釗峰發文回憶與阿簡和小吉在這12年的經歷，感慨寫道：「2009年，遇上，無數個重要時刻，我們都同在。鬧過交，比佢哋煩過，一齊開心過，興奮過，亦有感動過，啲眼淚呢…邊數得清。迷失嘅時候，慶幸咁多年背後有兩位支柱，而家雖然條柱就遠咗啲，我哋各自好好為新生活加油吧！」
當中有笑有淚。
而On仔則在帖文中一再感激阿簡和小吉一直以來的照顧：「你哋係我最大嘅comfort zone。簡，多謝你嘅栽培，多謝你成就C AllStar嘅一切，亦製造我23歲至今最青春最黃金嘅回憶，多謝你嘅任性。小吉，永遠記得你最強嘅一句，『俾啲好嘢人睇！』12年嚟辛苦哂，多謝你。」
合作12年，大家有好多回憶。
由組合成軍，到休團單飛再集合，這兩位領航人的確陪伴着C AllStar成長，這次他們的離開相信亦代表着C AllStar準備遇到更多未知的挑戰！
C AllStar合作12年的經理人小吉和監製阿簡都移民。
現年40歲的吳崇銘(King)，於2008年參加私人國「星投大戰」歌唱比賽摘下冠軍後，被安排組成男團C AllStar，於翌年出道走紅。四子同心先後四年成為「叱咤我最喜愛組合大獎」得主，奈何組合於2017年休團，King亦因此離開樂壇五年。近日King重新於音樂出發，為簽約Sony後推出的首支個人單曲《掛念你你好嗎》接受雷霆881商業一台星光背後專訪。節目中，他親解當年C AllStar被迫休團的主因，「因為leader走咗，我哋四個好難夾一件事。」另外，King亦首度剖白在疫情期間的經歷，選擇組織家庭成為人夫及人父的經過。
吳崇銘（King）近日重新於音樂出發。
內地大學音樂系畢業的King自認屬「I型人格」不夠aggressive，談及當年歌唱比賽本應歌手合約只給冠軍，最終他卻被安排與陳健安(On)、梁釗峰及何建曦(Jase)組成C AllStar出道，他稱從沒介意，「其實比賽前我簽過公司出過一首《大雨傾城》，有歌有埋MV，心諗仲唔掂？點知上台零反應之後公司仲無埋，係被潑咗一盆冷水，所以做組合互相照應感覺好啲。」C AllStar第二年已橫掃頒獎禮，2014年更首登紅館開騷，King說：「睇返係好順利，當時一路忙唔覺，收入又OK，原來一直無雨無阻係咁幸福。」King坦承組合成軍前與三隊友互不相識，合作磨擦必定有，「我哋處理拗撬算理智，唔會嘈完散。釗峰同On仔有意見會衝出嚟講，我同Jace比較『I』少少，我會問可唔可以試吓咁？會問O唔OK？無話我一定要咁。我講完就算你話唔OK，我就由佢。」
推出首支個人單曲《掛念你你好嗎》。
C AllStar於2017年高峰突休團，King指與四子拗撬無關，「四個一齊都可以做自己嘢，我無問題，只不過因為阿簡（C AllStar經理人簡敬慈）要移民。講真阿簡好勁，我哋大家各有意見，阿簡做到leader令我哋信服有最後決定。因為leader走咗，我哋四個好難夾一件事，再加上之後我哋簽唔同公司，入行幾年亦有各自想法去做，就分開做。」談決定休團，性格被動的King語帶無奈說：「係有啲不負責任，但無計，佢移民都係為咗小朋友讀書。」King休團後轉做電子音樂成為DJ KING，近五年無推出流行曲，問他會不會羨慕隊友On仔或釗峰近日於樂壇的發展，他說：「我真心恭喜佢哋，羨慕係吃不到的葡萄，我真係無咁諗。On仔係超級努力，好有自己想法，每件事都睇得好緊，包括身材、唱歌點唱同MV點拍，每件事都一絲不苟，成功係有原因，好戥佢開心。」
King親揭C AllStar休團內幕。
C AllStar四子於2022年底曾限定重組開騷，King於演出期間突自爆已婚兼已初為人父，他指太太是疫情期間認識，「當時我做DJ成日打碟，係響私人會所識，之後疫情無嘢做，咪造人，哈！當時亦覺得自己年紀有啲大，係時候生小朋友，唔想阿仔同我年紀相差太遠有代溝。」認識太太之前，King指人生經歷了一場反思，「朋友上、工作上嘅嘢都經歷背叛，感情又會話走就走，我發覺任何人都會離開你，嗰期係好震盪，認為只有家人係可以信任，我唔想將我建立嘅所有嘢消失，就將佢畀晒我個仔，就建立自己嘅家庭。」King指兒子Analog現在三歲，快準備入學，亦指自己成為爸爸後改變很大，會爭取更多時間於家中陪伴兒子成長，但他否認為了生孩子而結婚，「阿仔係最重要，但我亦好愛我太太，佢人品散發出嚟嘅感覺好吸引我，呢個女仔係幾好，識到佢係緣份。」
今日（9月13日），下午二時至三時於雷霆881商業一台播放的《星光背後》，主持人 梁泰來邀得吳崇銘（King）任嘉賓。
