慶幸識得返屋企。
74歲的石修繼電視劇與米雪合作，最近再和米雪拍攝一套有關粵劇的電影，兩人在戲中結局有拖手，並說：「同雪姐合作好開心，大家都好有經驗、默契。佢好準時，好照顧到成個現場嘅氣氛。我希望多啲同 佢合作，對於呢啲『密切接觸者』我當然會介紹畀太太認識。不過其實雪姐一早識得我太太Maria，冇問題，佢好放心。」
點擊看圖輯
石條與米雪合作完電視劇，最近又合作拍電影。
石修難忘與秋官合作，及得到對方關心。
石修受訪車淑梅電台節目。
石修與太太一起55年，多謝太太照顧家庭，又為他誕下兒子。
石修跟囝囝感情要好。
石修說太太跟米雪一早認識，所以冇問題好放心。
石條與米雪合作完電視劇，最近又合作拍電影。
石修難忘與秋官合作，及得到對方關心。
石修受訪車淑梅電台節目。
入行66年的修哥赢得「零緋聞」美譽，自言全因懂得抽離。「如果拍戲唔投入，尤其係感情戲會格格不入，有陣時我都會踩界，係思想上踩界。通常劇情都會慢慢發展，一定會（對對方）產生好感，觀眾都希望你哋有呢種感覺，睇落先會舒服。一套戲最短20集，要拍兩個幾月，（同對手）日日對住多過返屋企。我承認我心思上會踩界，對於唔少對手我真係有呢種感覺，火花係會燃燒，但當第二套劇出現嘅時候，（呢種感覺）又會淡化。不過我識得返屋企，當我入到屋，呢個思維就會自動消失，我慶幸自己能夠冷靜處理。」修哥多謝太太的信任，工作上給予他很大空間。他倆拍拖8年，結婚47年，長達55年的感情，修哥自問現在依然關心及尊重太太。談到與太太的往事，修哥說：「佢係新界校長個女，我19歲佢14歲，嗰時佢唔知我拍戲。有次我同森森拍《聰明太太笨丈夫》，講我走私俾老婆追到去彌敦道，著住條底褲喺的士落車。嗰度人來人往撞啱女朋友放學，佢見到我著住底褲跑來跑去，先至知我拍戲，佢冇嬲，只係笑我著底褲通街走。」
石修與太太一起55年，多謝太太照顧家庭，又為他誕下兒子。
修哥多謝太太照顧家庭，又為他誕下兒子。他憶述1979年兒子出世時，他正在拍《絕代雙驕》，飾演花無缺一角。當時他正與黃元申飾演的小魚兒決鬥，醫院突然來電指兒子已出世，他即時奔往法國醫院：「我將架車停咗喺接待處門口，一開車門就飛上三樓產房，我當時成身古裝，冇坐電梯，嚇到樓梯啲人問點解見到個白衣人飛上樓。到依家我都好感激醫院，幫我拍好架車。其實我要感謝嘅人仲有好多，當然有秋官鄭少秋。當年我胃炎暴瘦，由150磅跌到120磅，秋官好關心我，話知道九龍仔公園有個太極師傅，佢話同我一齊去學，第二朝6點幾，佢已經係九龍仔公園個亭等緊我。佢真係好有心，陪咗我兩個星期，仲鼓勵我繼續學落去，後來我真係好返。我冇見秋官冇十年都有八年，上次合作喺2006年。至於黃元申，我都有掛念佢，後來我去台灣拍戲，佢喺台灣住，我哋見過面，冇幾耐就聽到佢出家，到依家都冇見面。」
石修跟囝囝感情要好。
談到兒子陳宇琛已經結婚5年但未有小朋友，修哥笑言不心急抱孫。他說兒子入行接近20年，星途不算平坦，就當成是磨練，因很多人也是等待多年才突然遇上機會，亦未必一定會有。他說宇琛曾向他提及做「星二代」壓力大，又辛苦，因人人都會拿兩父子作比較，所以最好不要同場出現；對此，修哥亦認同。現在宇琛要兼顧幕前幕後工作，過去5年擔任過不少國際大型活動的編導，成績不錯。
適逢情人節及元宵佳節，修哥表示：「所有屋企人都係我嘅情人，新抱都係我情人。太太應該都幾滿意我，因為佢係屋企嘅財政管理員。我工作得嚟嘅係零用錢，太太全權負責（財政）係我對佢嘅信任。我不足嘅地方就係唔識送花同小禮物。我話『你嫁畀我，唔喺為咗嗰朵玫瑰花，我成個人都畀咗你，如果你需要，我可以將自己包起，紮隻絲帶蝴蝶行過嚟！』大家日日都係快樂情人節。」
石修說太太跟米雪一早認識，所以冇問題好放心。
