霸戲哥之日常#057 │ 邵國華先生

《Yes!》雜誌創辦人邵國華先生，今年3月18日辭世，終年64歲。其家人將於今年4月15日，於大圍寶福紀念館地下「寶福堂」為他設靈，喪禮以佛教形式進行。大殮儀式將於4月16日早上9時開始，10時出殯，靈柩隨即會奉移至東華義莊。

霸戲哥童年有足球同漫畫相伴，不愁寂寞，未曾收聽過《三個寂寞的心》。直至邵國華先生同倪震創辦《Yes!》雜誌，才真正聽過他的名字。當年《Yes!》十元一本，為學生教課書以外必讀讀物。多數同學都會留意「城市驚喜」、愛情疑難或性知識信箱，霸戲哥偏愛看關於碟仙、筆仙、UFO等靈異玩意。正是鹹魚青菜各有所愛。

邵國華先生幕前演出不多，記憶中有《救世神棍》裏欲收購「達達大師」的地產商。他編劇的作品亦不算多，但都是赫赫有名，如《聽不到的說話》、《金裝香蕉俱樂部》和《三人世界》，《三人世界》為他贏得香港電影金像獎最佳編劇。

除了文化貢獻，邵國華先生最廣為人敬佩的必定是他對生命的熱愛，絕對是我輩的模範。

霸戲哥

** 博客文章文責自負,不代表本公司立場 **

豬視妹一直想去芬蘭睇極光，可惜我耳水不平衡，搭長途機等於直接判我死刑，即刻睇到耶穌光。我等Christy呢個節目《芬蘭潮什麼》好耐，以為睇咗可以當去咗，我覺得。

一連6集嘅《芬蘭潮什麼》今日起，逢星期四、五夜晚10點半喺TVB翡翠台播出，第一集Christy先會帶大家去芬蘭北部嘅拉普蘭區（Lapland），仲設計咗個三日兩夜嘅懶人包，用最少時間同金錢拜訪聖誕老人同睇極光，一次滿足晒豬視妹三個願望。

我對芬蘭最深刻嘅印象，並唔係聖誕老人同極光（當然亦唔係芬蘭浴，笑），係佢哋嘅快樂指數。聯合國啱啱公佈2022全球快樂指數，芬蘭連續5年蟬聯最快樂國家，而我哋呢，排緊81。唔怪之得咁多香港人想去芬蘭，想尋開心嘛。

我開始擔心，豬視妹睇完呢輯《芬蘭潮什麼》，更想迫我搭長途機……