霸戲哥之日常#106 │ ABCD

今朝落街買早餐，遠處傳來一把斷斷續續嘅阿伯聲，雖然走晒音但都勉強聽得出係《今宵多珍重》。《金宵大廈2》播咗五集，穿透力幾強係可想而知。

早排All About Music舉辦網上直播演唱會《Concert WFH》，搵咗JW同星夢嘅Chantel、Windy、Yumi做嘉賓反應唔錯，今次食髓知味兼食住《金宵》個勢，嚟緊喺下星期四（14號）夜晚8點舉行《金宵 Concert Watch From Home》，有「音樂情人」鄭子誠做聲音導航，@joelshanchung 陳山聰、@hubertwu 胡鴻鈞、@shi_ga 連詩雅同@kayeepo 譚嘉儀做表演嘉賓。

講起陳山聰，其實佢係歌手出身，當年參加TVB嘅模仿四大天王大賽，唱劉德華嘅《長夜多浪漫》而被對方賞識，後來獲力捧為偶像歌手。中坑如我呢代，一定聽過「ABCD我話你知～」不過已經30年前嘅事啦。

呢個演唱會美中不足，係冇近日hit爆嘅伍詠薇，霸戲哥好想聽佢唱La Tour Eiffel～呀。（即《失落於巴黎鐵塔下》）

演唱會詳情:
https://www.mifashow.com/zh-hk/shows/concert-wfh-2/

霸戲哥

** 博客文章文責自負,不代表本公司立場 **

Will Smith喺奧斯卡頒獎禮上護妻心切，在眾目睽睽之下怒冚Chris Rock一巴，美國影藝學會公佈處分：判處Will Smith不得參與奧斯卡頒獎禮及相關活動10年，即時生效，欽此。

Will Smith呢一巴，率先引發起第三次世界大戰，全世界人自動編成兩個陣營：撐佢同鬧爆佢。霸戲哥由始至終都覺得Will Smith冇錯，換轉豬視妹畀人笑甩頭髮，我都唔會顧慮後果，呢個先係男人真性情表現。至於有人話點都唔應該訴諸暴力，喂大佬，升巴啫，又唔係立把刀捅佢，樓下賣魚陳推排九出千畀豬肉黃打，又唔見你話下豬肉黃暴力？

不過最嘔心都係美國影藝學會嘅處理手法。明明呢件咁濕碎嘅事，可以低調處理，又或者以笑話帶過。但因為受到道德緊箍咒箍死，左膠DNA作祟，係都要喺全球面前建立道德榜樣，繼而引發出另一個更大嘅笑話。

暴力唔啱，但雙重標準同偽善更可恥。