霸戲哥之日常#124 │ 金宵手記拾：迷你玫瑰

今晚呢集繼續發生在鏡世界，霸戲哥終於知道鏡世界點解會落雪，六月飛霜，有莫大冤情呀。

現實施嬅Ella終於遇上鏡世界施嬅Lydia，兩人嘅對話除咗有助劇情嘅推進，亦玄機處處。眼利嘅觀眾，應該發現鏡世界並唔係非黑即白，都有少量嘅色彩，就如Lydia棵近乎枯萎嘅迷你玫瑰。

迷你玫瑰適宜喺室溫成長，每天需要4小時接觸陽光。不過喺長期嚴寒嘅鏡世界，室內室外都不見光，又的確好難開花結果。不過，現實施嬅Ella告訢大家，只要唔放棄，迷你玫瑰仍會有開花嘅一日。

@derekwong726 黃建東同@ccandice.c 趙希洛繼續好戲，癲佬癲婆角色真係為佢哋而設。黑化嘅黃建東買重「壞事保險」，割咗趙希洛一隻右眼。趙希洛還以顏色，反割黃建東一對睪丸。兩人加碼投保越玩越大，結局證明，以暴制暴，只會招至攬炒收場。

因為金宵大廈唔鍾意有人搞事嘅。

霸戲哥

** 博客文章文責自負,不代表本公司立場 **

人生充滿咗挫折同失敗，亦有行差踏錯嘅時候。霸戲哥細個流連球場，曾經有半隻腳踩咗入黑社會，好彩讀中學時遇到個PE阿Sir，將我拉返入正途。好一個《驕陽似我》嘅故事。

呢位PE阿Sir，除咗分享自己嘅人生經歷，仲好鼓勵我去睇當時好hit嘅書：《心靈雞湯》。係咁娘㗎啦，但又真係work。

隨住科技進步，《心靈雞湯》已經慢慢演變成真人talkshow，喺外國非常流行。而直至噚晚，香港終於都有呢類型節目。

由正義之Bob@bob_lamshingbun 林盛斌主持嘅TVB節目《360 秒人生課堂》，噚晚開始逢禮拜四、禮拜五晚10點半喺翡翠台播出。每集邀請嘉賓用360秒時間分享一個人生經歷，總有一個感動同啟發到你。

人生喺最困難嘅時候，有時候未必一定要正能量，反而係一個扭轉命運嘅啟發。