霸戲哥之日常#143 │ 北極熊

52年前嘅今日，美國大學生發起環保運動，後來演變成世界地球日。半世紀過去，地球病情不但冇好轉，世界各地更陸續出現離奇天災，再咁落去真係唔知捱到幾多代。

天災橫禍，最慘肯定唔係人類。全球暖化問題，令北極冰層大量消失，北極熊冇咗棲息地，被迫遷往南邊覓食，可惜好多都生存唔到。

唔好以為北極熊瀕臨絕種唔關你事，生態平衡係好複雜嘅嘢，佢可以觸發蝴蝶效應，引致更多天災，最後回力鏢番人類。

為咗響應世界地球日，@disneyplushk Disney+ 推出全新生態紀錄片《北極熊》，有中文旁白同字幕，適合大人同埋細路一齊睇，等佢哋知道環保嘅迫切性。

霸戲哥

** 博客文章文責自負,不代表本公司立場 **

今日無意中睇到單新聞，話Facebook專頁See See TVB已經改名做@seeseetvb See Saw 先，但因為冇人知、冇人問同冇人理，搞到畀網友笑。但原來佢哋仲rap咗首歌嚟賀改名，歌詞有句「我承認我哋係一個壞咗嘅channel，我哋決定洗心革面，重頭嚟過。」霸戲哥聽完覺得仲老尷同好笑噃。

See See TVB係TVB嘅一個專頁，發佈嘅內容係惡搞番自己嘅節目為主。當初擺明係食CCTVB嘅諧音，食得靚唔靚就見仁見智，霸戲哥就覺得呢個名好易畀人誤會同混淆，喺呢個時勢要改名都好合理，同只不過係時間嘅問題啫。

近年TVB一直畀人狙擊，都唔係咩秘密嘅事。TVB固然有好多唔爭氣嘅時候，但網民成日為反而反，又有啲講唔過嘅。講到尾，觀眾淨係想睇到啲有質素嘅節目，喺呢個時勢笑吓喊吓又一日，咪幾好。