霸戲哥之日常#149 │ 小丑殺手

呢頭霸戲哥先同大家介紹J2節目《逝者代言人》講「雨夜屠夫」林過雲，嗰頭Netflix有套紀錄片仲令人心寒：講震驚全美嘅「小丑殺手」John Wayne Gacy，紀錄片《美國殺人狂訪談錄：小丑殺手》（Conversations with a Killer: The John Wayne Gacy Tapes）剪輯咗從未曝光嘅錄音檔案，令觀眾可以多個角度去理解連環殺手嘅犯案心態。

分享少少呢個變態殺手John Wayne Gacy嘅背景，佢喺1972年至1976年間，先後虐待、性侵同殺死至少33名青少年同年輕男子，再埋屍喺寓所。同好多變態殺手一樣，John擅長包裝，將自己塑造成有抱負嘅慈善家同政治人物，方便掩人耳目。直至1978年年輕男子Robert Piest失蹤，警方追查後發現有可疑，先揭發到佢嘅惡行。

值得一提係，警方喺搜查佢間屋其間，喺房間搵到幾本書，都已經令人好不安，當中包括《Pretty Boys Must Die》、《Pederasty: Sex Between Men and Boys》同《Pedophilia》。呢啲書籍同佢嘅行兇又有冇關係呢？睇晒呢三集，保證你會對變態殺手有更深切嘅了解。

霸戲哥

** 博客文章文責自負,不代表本公司立場 **

黑貓，喺西人眼中係不祥之物，佢哋又會同災禍、邪靈link埋一齊，人人避之則吉。至於喺中國，黑貓命運就好唔同，古時嘅人仲認為黑貓唔止可以辟邪，仲可以招財添。

今期最hit嘅黑貓，就梗係《金宵大廈》隻神出鬼沒嘅靚寶啦！暫時未知佢係吉祥定不祥，但已知嘅係，佢係貫穿現實世界同鏡世界嘅鎖匙，絕對係掌握一眾角色命運嘅關鍵貓貓。

靚寶今次唔止穿越平行時空，仲踩埋入去元宇宙。事緣TVB授權咗畀D4Deca製作同發行以《金宵》為藍本嘅NFT，第一批登場嘅就係靚寶，由Generative Art方式隨機生成1,000枚「靚寶NFT」，當中有唔同嘅靚寶表情、服裝、道具同場景嘅元素作為配圖，已知嘅場景有金宵霓虹招牌、精神病院、連鏡世界都有。唔知有冇李施嬅出浴場景呢（心心眼）？

呢批「靚寶NFT」將會喺4月29號朝早11點，喺官方網站lanbo.io以隨機盲盒方式免費發放。先到先得，每個錢包限量認領1枚。交易轉讓時用戶需要支付Gas Fee。