霸戲哥之日常#155 │ 戲院優惠

戲院重開，當然係普羅大眾嘅喜訊，但對於院商嚟講，真正嘅戰役依家先至開始。因為佢哋要出盡法寶吸客，尤其對準好似霸戲哥呢班戲癡嘅胃口，咁先可以抵消番幾個月嚟嘅損失。

最直接最懶而又最有效嘅方法，當然係推出package優惠，啱晒我哋呢啲貪着數嘅香港人。

百老匯院線最近推出咗「$200睇5套戲」嘅限定優惠，成個package包括4張換票證、1張電影贈券，同埋1張爆谷餐半價優惠券，有效日期去到10月31日。

大家想買呢個抵食夾大件package，聽日（27/4）中午12點，喺百老匯院線嘅11間戲院售票處（PALACE ifc、MOVIE MOVIE Pacific Place 除外）購買，每人限買三套，先到先得，售完即止。

詳情留意番百老匯院線官網。

霸戲哥

** 博客文章文責自負,不代表本公司立場 **

因為新冠肺炎疫情，原定今年5月上映、由奇洛李維斯主演嘅《John Wick: Chapter 4》，要延遲到下年3月先上。電影嘅宣傳同呢位傳奇殺手嘅行蹤一樣神秘，直至近日喺美國舉行緊嘅CinemaCon，終於有第一張霓紅燈海報流出，見到奇洛揸住支槍對準敵人，霸戲哥嘅腎上腺素已經飆升，同時個心不自覺統計緊殺敵人數……

套戲喺上年6月開始拍攝，11月煞科，拍攝地點包括有巴黎、柏林、紐約同日本，雖然劇情到呢刻仍然保密，但上集講到John Wick決定向High Table開戰，估計今集都會圍繞呢個組織。而已知嘅新角色就有宇宙最強嘅甄子丹、真田廣之同埋澤山璃奈。