霸戲哥之日常#166 │ 家暴#MeToo

Johnny Depp同前妻Amber Heard嘅世紀官司，真係好睇過戲，兩人喺庭上嘅針鋒相對同衣着配搭嘅心理戰，就嚟可列入教材。

西方成日提倡性別平等，講到底都係門面嘢，男性喺家暴問題上，慣性被定性為理虧嘅一方。所以當初Amber暗示被前夫家暴，都未等到Johnny Depp自辯，就已經令佢形象插水。迪士尼宣佈同佢斷絕合作關係，而最近上映嘅《怪獸與鄧不利多的秘密》都夾硬飛佢出局。

Johnny Depp「失去了一切」。

但隨住單官司揭露更多細節，風向亦開始轉變。由於Amber嘅口供前後矛盾，有人懷疑Johnny Depp先至係家暴案嘅真正受害者。

最近有人喺Change.org發起連署，標題為「Remove Amber Heard from Aquaman 2」，要求華納兄弟套《水行俠2》抽走Amber嘅戲份，理由係Amber處心積慮咁摧毀Johnny Depp事業，電影公司唔應該美化施虐者云云。目標聯署300萬人，到呢刻已經收集到277萬個簽名。

不過聯署係冇法律效力嘅，大家純粹當花生食完就算啦。

霸戲哥

** 博客文章文責自負,不代表本公司立場 **

唔講唔知，網民除咗關心TVB股價，都好關心tvbuddy嘅去向。近日就有報道話佢「被消失」，又傳涉違規建築而被清拆。

屈指一算，原來tvbuddy都夠資格拎「老人牌」，07年首次亮相到今日已經15年，日曬雨淋都緊守崗位，最厲害係經歷幾次大颱風，都依然屹立不倒，堪稱最佳員工。

咁究竟tvbuddy去咗邊呢？無綫外事部就回覆，話無綫今年踏入55周年，為隆重其事，tvbuddy今日開始進行修葺，同會以全新面貌同觀眾見面。咁即係唔係被消失，大家可以放心晒。