要數最親民港星，相信都非發哥周潤發莫屬，事關無論行山、食飯、去街市、坐港鐵，甚或唔小心行街經過見到，總之遇見發哥，只要問一句：「可唔可以同你影張相呀？」發哥幾乎都是來者不拒，即使有街坊自爆3年影足5次，發哥皺住眉頭問：「你又嚟？」但都是照影，從來唔耍大牌，難怪會成為好多人心目中的偶像。
發哥好親民。
好多人搵佢集郵。
有路人影完又影，發哥都無所謂。
擁博士學位、剛奪Chill Club年度女歌手銀獎的獨立歌手Serrini（梁嘉茵），向來好有個性，同發哥相反，出街最怕被Fans認到，她昨日（10日）又遇上同一個問題，但今次有Ser爸在身邊，見到阿女對粉絲的冷寞態度都忍不住開口教做人處事態度，入錢落阿女個袋。
點擊看圖輯
要數最親民港星，相信都非發哥周潤發莫屬，事關無論行山、食飯、去街市、坐港鐵，甚或唔小心行街經過見到，總之遇見發哥，只要問一句：「可唔可以同你影張相呀？」發哥幾乎都是來者不拒，即使有街坊自爆3年影足5次，發哥皺住眉頭問：「你又嚟？」但都是照影，從來唔耍大牌，難怪會成為好多人心目中的偶像。
擁博士學位、剛奪Chill Club年度女歌手銀獎的獨立歌手Serrini（梁嘉茵），向來好有個性，同發哥相反，出街最怕被Fans認到，她昨日（10日）又遇上同一個問題，但今次有Ser爸在身邊，見到阿女對粉絲的冷寞態度都忍不住開口教做人處事態度，入錢落阿女個袋。
Serrini在社交網寫道：「今日同老豆出街，有個好有禮貌嘅女女問我係咪啊邊個，我隨口話『唔係呀』then walked。跟住同老豆行多一個block之後，佢突然同我好認真咁debrief—
網民大讚Ser爸：「爸爸講得好好，但人情世故呢樣嘢都要慢慢學，總理都唔例外，加油！」Serrini未知是否受教，她自言都有試過改善：「我都試過『係囉，啲人話我同個女人好似樣』but聽落都係臭檔。」
Serrini擁博士學位。
唔知抱住童年時嘅Serrini，係咪爸爸呢？
Serrini在社交網寫道：「今日同老豆出街，有個好有禮貌嘅女女問我係咪啊邊個，我隨口話『唔係呀』then walked。跟住同老豆行多一個block之後，佢突然同我好認真咁debrief—
Dad：人地問你係咪『Ser—』你就話唔係，下次如果你想否認，你都可以等人哋講晒個名先，跟住你話『咩話？』一陣先話唔係會好啲。同埋你個樣好易認，下次可以真係認，唔係久而久之就比（俾）人話臭檔。下次可以大方啲話『hello』打個招呼，唔想影就可以話『唔係好方便』。
Me：🙏🏻🙏🏻
But still次次我都唔係好知點應對，所以大家可唔可以同我似樣啲。」
Serrini向來都唔鍾意被Fans喺街認出。
網民大讚Ser爸：「爸爸講得好好，但人情世故呢樣嘢都要慢慢學，總理都唔例外，加油！」Serrini未知是否受教，她自言都有試過改善：「我都試過『係囉，啲人話我同個女人好似樣』but聽落都係臭檔。」
網民就話人情世故係要學嘅。
Jeremy李駿傑與Serrini的《唯美本尊》合唱版MV大公開！
李駿傑Jeremy最新單曲《唯美本尊》，找來Serrini填詞，早前拍攝MV時，對方更偷偷現身客串演出，令Jeremy驚喜萬分，亦因為這個緣故，Jeremy想到要找Serrini一同推出合唱版，日前他們更為此拍攝了特別版MV。
Jeremy與Serrini推出《唯美本尊》合唱版MV。
Serrini在上次《唯美本尊》MV中客串時，興之所致飾演住在Jeremy樓下的鄰居，其演出成為了MV的彩蛋。其實Serrini當日有向Jeremy教路如何演繹《唯美本尊》這首歌，Jeremy道：「當日Serrini有教我點樣去唱呢份詞，同我解釋點解咁寫，要擺咩語氣會好啲 ，我聽住佢唱，就覺得，啊！佢唱得好好聽啊！唔得，真係要同佢合作，所以拍完MV嗰晚就即刻WhatsApp花姐，問可唔可以合唱，然後再有同事幫忙，促成呢件事。」近期Serrini都旅居外地，鮮有在香港，但剛巧另有工作安排要回港一趟，造就Serrini特地抽空錄音兼拍MV，《唯美本尊》合唱版也就此誕生。
Jeremy大讚Serrini唱得好好聽，所以堅決要和她合作。
合唱版的《唯美本尊》沒有特別轉Key，但Serrini想加點新意，她說：「唔想就咁和音，好似冇乜意思，所以我加咗好多Melody，同埋好似Answer Back嘅嘢，而家似新作品。」Jeremy表示很喜歡這個版本，「當日錄音係我錄先，跟住Serrini錄，本來我錄完就可以走，但我唔肯走，要留喺度聽埋先。之前我聽到冇任何混音嘅版本都已經好好聽！到聽到完整版本，係非常鍾意。」
合唱版的《唯美本尊》沒有特別轉Key，但Serrini有加點新意。
Serrini在錄音室聽過Jeremy現場錄音的表現，也大讚他要妖要放鬆都可以按指導即時做到，十分專業，Serrini更說：「我係幾Surprise Jeremy把聲幾入咪，同埋佢一嚟到就話食咗嘢OK可以即刻錄。監製驚佢嚟自男團，要跳舞，唱歌會唔會要多啲時間Warm Up，又唔係，一入嚟就Ready，歌詞又唔使睇！」Jeremy聽到這裡即說：「自己歌嘛！如果唱唔到好大鑊，哈！」
Serrini大讚Jeremy要妖要放鬆都可以按指導即時做到，十分專業！
其實在製作《唯美本尊》之始，Jeremy只是簡單地寫了短短的內容，他回憶內容道：「其實嗰陣我係想話，世界有好多負能量，有好多唔好嘅人與事喺我哋身邊發生，好多時候我哋冇辦法去改變佢，最多只能忽視佢，希望用呢首歌教大家點樣去忽視呢啲事情。我冇特登去諗擺啲乜嘢形象落去呢首歌裡面，但係Serrini就為我賦予咗本尊嘅形象。」
Jeremy指製作《唯美本尊》前只是簡單地寫了短短的內容，但Serrini就為她賦予了本尊的形象。
Serrini亦解釋到她很想將Jeremy提到的負面情緒，變成了正能量，她道：「Jeremy寫嘅幾句嘢太簡單，要深入啲，仲要將我自己成日幻想啲囝囝應該係咩樣，就安喺佢身上。因為我好鍾意《半》嘅MV造型，係諗住嗰個樣嚟寫，而歌名如果用『唯我獨尊』太過硬，然後就諗到『唯美本尊』，因為我哋成日覺得Jeremy好靚，但點樣再Elegant啲？而家佢染金毛就更加係『唯美本尊』嘅樣。」
Serrini解釋到她很想將Jeremy提到的負面情緒，變成正能量。
而這個唯美形象的Jeremy，除了在早前《唯美本尊》MV出現外，今次在特別版MV中亦再度現身，因為這個特別版MV，是上回的故事延續，Serrini道：「上次客串我亂噏話自己係住樓下個女人，今次想故事延續，一個著綠色絲絨衫嘅女人返到屋企換衫，就換咗好Casual T恤質地嘅裙，遇到Jeremy㩒門鐘到訪。」要知道Serrini向來都是鬼主意多多，性格隨和又不拘小節，在拍攝這個特別版MV時，便展現了她的獨有風格，但Jeremy卻表現緊張，Serrini大爆：「頭先拍MV時，要Jeremy挨埋嚟，佢好似唔知點算好，勁緊張，好有趣！」Jeremy難為情表示：「係呀，我驚你介意呀！」Serrini當然沒有介意啦！而Jeremy了解到Serrini的「底線」之後，也愈演愈放，本尊的氣𦦨也慢慢散發出來，與Serrini擦出前所未有的妖艷火花。
觀看相關影片按連結：https://youtu.be/GrweZk5bTdU?si=fttU5kkrrggeQq3a
