*

其他文章
警方辦網「樂」安全比賽頒51奬項 鄧炳強:必全力打擊科技罪案

王維基搞電視唔見6.2億!

復活假前香港電視台派成績表,業績慘不忍睹。大台電視廣播(511)去年的持續經營業務由前年的賺12.6億元,變為虧損428萬。王維基的香港電視(1137)去年蝕8.1億元(前年蝕2.4億),流晒大血。加埋2月底公布業績的有線寬頻(1097)去年蝕2.3億(前年蝕1.4億元),電視業可謂江山一片紅。

 

大台無綫唔好景,不過去年數字無表面睇咁差,實際生意唔係減少12億幾咁恐怖,因為當中計入好多撇帳。無綫去年賣了台灣TVBS股份,有特殊收益,乘勢撇番一早就應該撇帳的收費電視業務,一舉撇掉6.95億,加埋物業減值和人仔匯兌損失(希望係一次性)。如果唔計以上幾項,無綫持續業務的稅後利潤由對上一年的12.6億減至去年的8億,跌36%。

 

不過千祈唔好以為大台好好景,聽聞好多公司唔肯簽實今年在無綫落廣告,恐怕今年無綫廣告收入還會再插。

 

不過講起傷,就唔夠王維基傷,佢搞電視可謂重傷。佢間香港電視去年全年虧損擴大至8.1億,當中對電視業務撇銷3.3億元,另外計入損益帳的節目成本由截至2014年12月底止16個月的2740萬元,在2015年大幅增加2.9億元,兩條數加埋唔見咗6.2億!

- 閱讀更多 -

小鯊

** 博客文章文責自負,不代表本公司立場 **

往下看更多文章