邪惡的動機

早上聽到Kevin(劉進圖)遇襲的消息，感到極度震驚和難過，只期望Kevin快點渡過危險時期，最後可以全面康復。

事情的動機未明，但從其行事手法，似是專業兇徒所為。行兇者乘電單車而來，一個司機和一個刀手，在西灣河太原街下手，這是Kevin吃早餐的地方，相信兇徒已跟踪了Kevin一段時間，了解他的起居習慣，選擇在這個地方下手，因為早上十時許在鯉景灣對開的海傍，行人稀疏，較易下手。

刀手向Kevin刺了六刀，其中一刀斬中背部，這亦是令Kevin受傷最嚴重的一刀，幸好是並未刺入肺部，其餘主要斬腳。香港歷史上出現過幾宗傳媒人被斬事件，從《城市週刊》的李文庸、《凸周刊》的梁天偉，到商台時的鄭經翰，兇徒都只是斬手、或斬手腳，這些斬人案的雖然同樣令人齒冷，但沒有斬向身體主要部位，令受傷者受害較輕。

但據醫生所講，兇徒從背部斬中Kevin，已比從前胸斬他好了，因為前胸有很多重要器官，只要斬中其中一個已很易致命。而兇徒四刀斬向Kevin兩腿，令他的坐骨神經受損，是想他以後不能走路，其邪惡用心盡現。幕後的主腦明顯要恫嚇Kevin或相關的人士，令他們畏懼。

香港何時變得惡人當道，全無正氣? 香港何時變得這樣不安全，罪犯要殺誰就殺誰，要警告誰就警告誰? 雖然大家都知道，這些買兇斬人案，層層分判，即使找到刀手，也很難找到幕後主腦，但我仍然希望警方能夠盡快將疑人和其幕後主腦緝拿歸案，讓新聞工作者不再擔驚受怕，讓香港再度安全，讓害人者身受其報。

盧永雄

品牌搞crossover見得唔少，政黨都搞這套，又的確幾新鮮。

 

建制派的自由黨同泛民主派的民主黨今日召開兩黨聯合記者會，目的係向政府提出共同醫療改革建議。兩黨仲預告，今次只是頭炮，合作日後陸續有來。

 

兩黨今次破天荒手牽手同政府拗手瓜，係聰明之舉。民主黨屬溫和反對派，不時被激進反對派攻擊，立法會內只有6個議席，力量奀奀地；自由黨在建制派內亦屬另類，經常唔跟建制派大隊走，係建制派的「壞孩子」，立法議席只有5個，兩個黨都比較弱的政黨，不過，一旦走埋一齊，牙力唔細。

 

但兩個黨一個係基層政黨，另一個係工商政黨，究竟有何共通點呢？論理念，論黨格，其實真係無任何共通點，唯一的是大家都唔聽話，喜歡同政府作對。最近幾次比較大的議案投票，例如動議用《特權法》調查免費電視發牌，兩個黨都係投贊成票。最近的《雙辣招》條例，民主黨棄權退席，自由黨都仲係投反對票，取態比民主黨更激。

 

呢個「反政府」的共同點，可以係一度非常強力的黏合劑。

 

有政壇高人就話，如果自由黨與民主黨，已有11席，已經好接近有13席的最大黨民建聯，萬一再拉埋有4席的工黨，搞一個連線，15個議員共同進退，咁CY政府將面對的壓力就大囉。

 

政界無所謂朋友和敵人，過去建制派同泛民派各為其主，打生打死，但如今面對更大共同敵人，又會走埋一齊，拍吓拖，玩吓CY，真係有戲睇啦。

 

盧永雄