觀眾除了可以一探今昔名人家居外，還可從中獲得物業買賣的投資訊息！
「香港人與樓價，可謂息息相關！」以「樓價」為主題的問答遊戲節目《樓價有得估》將於8月4日開始、逢周四、五晚播映，由鄭裕玲（Do姐）、鄭衍峰（Leonard）及周奕瑋（Jarvis）擔任主持。節目每集會邀請不同的嘉賓藝人組隊參加比賽，回答以樓價為主題的「二選一」趣味題目，例如「邊個住得富貴啲」及「邊個樓盤升得多啲」等。當中以「邊個住得富貴啲」最為過癮，製作組會走訪藝人家居進行視察，或會透過昔日影片重溫多位名人家居，然後競猜現時哪個住所較貴；觀眾除了可以一探今昔名人家居外，亦可從中獲得物業買賣的投資訊息。
點擊看圖輯
《樓價有得估》由周奕瑋（左起）、鄭裕玲及鄭衍峰擔任主持。
鄭裕玲、鄭衍峰、周奕瑋早前接受無綫娛樂新聞台訪問。
祥嫂間豪宅好靚呀！
好似宮廷咁。
啲裝飾都好別緻。
祥嫂屋企掛滿結婚相，佢仲話有好多套替換添。
周啟邦夫婦嘅豪宅都好奢華。
豪宅以金色做主題，名副其實「黃金屋」。
茶几同水龍頭都係金色，勁豪氣。
周太最鍾意呢間「金房」，有巨型壁畫之外，所有餐具都係金色架。
係咪好想知到底用咗幾多錢打造呢間黃金屋呢？
《樓價有得估》由周奕瑋（左起）、鄭裕玲及鄭衍峰擔任主持。
出名數口精的Do姐早前接受無綫娛樂新聞台訪問時，坦言物業投資經驗不多，她說：「個個以為我好有經驗，其實只係叫做起碼有層樓自住，安安樂樂無後顧之憂，咁樣的確係舒服好多嘅。」Leonard、Jarvis則表示仍在為「無後顧之憂」努力，Jarvis提及節目中會透過影片參觀Do姐舊居，Leonard即接力笑謂：「最想知道隔咗咁多年，Do姐會唔會後悔當時放咗層樓，可能依家已經升到澎澎聲！」
鄭裕玲、鄭衍峰、周奕瑋早前接受無綫娛樂新聞台訪問。
另外，TVB社交平台釋出「祥嫂」洪金梅及周啟邦夫婦的昔日家居片段為節目預熱，兩大名人豪宅奢華程度完美詮釋了何謂「貧窮限制想像」！祥嫂的豪宅走法式宮廷風，雅緻不失高貴；牆上更掛滿了祥哥和祥嫂的結婚相，祥嫂笑言：「我有幾套替換，每兩、三個月就換一套，好鍾意自己着婚紗，因為寄望同等咗好耐！」周啟邦的豪宅則以金色為主調，除了不少家具如茶几是金色外，就連廁所的洗手盤及水龍頭都是金色，名副其實「黃金屋」。想知兩大豪宅究竟用咗幾錢打造呢？就要密切留意本周四晚翡翠台十點半開播的《樓價有得估》。
祥嫂間豪宅好靚呀！
好似宮廷咁。
啲裝飾都好別緻。
祥嫂屋企掛滿結婚相，佢仲話有好多套替換添。
周啟邦夫婦嘅豪宅都好奢華。
豪宅以金色做主題，名副其實「黃金屋」。
茶几同水龍頭都係金色，勁豪氣。
周太最鍾意呢間「金房」，有巨型壁畫之外，所有餐具都係金色架。
係咪好想知到底用咗幾多錢打造呢間黃金屋呢？
觀看相關影片按連結：https://youtu.be/AWtxiaiYcjA
