霸戲哥之日常#348｜ 天才藝術家

Johnny Depp注定係隻獨特嘅螢火蟲，喺有光嘅地方，佢一樣可以發光發亮 。呢輪同前妻Amber Heard單官司暫時告一段落，最近即刻有新搞作。不過唔係拍戲，係賣畫！

大家應該見識過Johnny Depp嘅繪畫天份，就係當佢上庭無所事事嗰陣，會拎去紙筆起勢咁畫，畫功絕對見得人。而最近佢同英國藝術畫廊Castle Fine Art Gallery簽約，喺網上發售780幅《Friends & Heroes》系列畫作，作品以人像為主，包括有Keith Richards、Bob Dylan、Elizabeth Taylor同Al Pacino等等。

結果780幅作品半日全部賣晒，當一幅4000美金，咁就賣咗300萬美金……據講個網曾經一度server down，證明佢啲畫唔止受歡迎，仲有炒賣嘅空間啦。

睇嚟Johnny Depp唔怕戲，轉行做畫家都有得諗喎。

霸戲哥

** 博客文章文責自負,不代表本公司立場 **

《玻璃之城》編劇羅啟銳先生追思會今晚舉行，其生前圈中好友洪金寶、鍾楚紅、杜琪峯、施南生等都有出席，明日上午舉行告別禮。同日傳出不幸消息，《玻璃之城》美術指導余家安先生上月不幸離世。

香港電影從來重幕前輕幕後，但余家安先生係金像獎常客，曾19次獲提名3次奪獎（《笑傲江湖II東方不敗》、《狄仁傑之通天帝國》、《西遊伏妖篇》），名字當然響噹噹。連豬視妹都話，香港嘅美指，除咗張叔平同奚仲文呢啲神級，再數已經輪到余家安。

余家安生前擔任過多齣電影嘅美術指導，好似《東方三俠》、《半生緣》、《特警新人類》、《鍾無艷》、《西遊降魔篇》，另外亦設計過唔少經典造型，最經典要數《英雄本色》入面嘅Mark哥造型。

講到Mark哥造型，又令霸戲哥諗番起以前有個電影頒獎禮，都係借用Mark哥造型做獎項，不過一切已經成為歷史了。