兩任特首 + 兩位司長同台好罕見

新聞行政人員協會(NEA)踏入三十周年，晚上在美麗華酒店舉行晚宴慶祝，新聞界捧場不在話下，政界都非常俾面。

CY出任特首後年年都有出席NEA周年晚會，今年三十周年大慶，自然亦到來，難得係前任特首煲呔曾都一口答應出席，而兩位司長，林鄭月娥同曾俊華都俾面坐足全場，仲一齊做主禮嘉賓，同NEA的執委齊齊唱生日歌同砌蛋糕，呢個場面真係官場未見過啦！

新聞界同政府新聞處交手最多，NEA成立三十周年，亦經歷多位新聞處長的年代，今晚就有現任新聞處長聶德權到來之後，仲有三位前新聞處長出席，包括陳祖澤、邱李賜恩，同埋依家做緊特首辦主任的邱騰華。呢張大合照都好值得珍藏。

現任新聞處長聶德權(左二)、陳祖澤(左四)、邱李賜恩(右二)、邱騰華(右一)。

每年NEA周年晚宴都有特別表演嘉賓，今年無特首唱歌，可能費時再搞出版權風波，只有商務及經濟發展局的蘇錦樑局長自彈自唱不特止，仲自己作埋歌仔來表演，唱咗一首：拉布「錦」言，話要表達自己拉布時的心聲。

一齊聽吓局長有咩嘢心聲：

Ariel

** 博客文章文責自負,不代表本公司立場 **

由上水鄉事委員會主席侯志強等多名鄉事派人士籌組的新政黨「新進步聯盟」，由於未接獲公司註冊處的正式登記通知函件，所以決定取消原定下周一舉行成立典禮。

「新進步聯盟籌備委員會」今日在報章刊登聲明，指相關的註冊所需文件已交公司註冊處，但由於仍未接獲正式登記的通知函件。為免卻社會詬病，經諮詢法律意見後，認為組黨茲事體大，不宜草率行事，籌委會決定撤銷擬舉行的成立典禮，改為以集會方式，與各界友好和鄉親共聚鄉誼，凝聚愛國、愛港、愛鄉力量，為正義發聲。

侯志強話組黨搞出一場風波，鄉事派為此而產生不同意見，早前有鄉事派人士開記者會反對佢組組黨，似乎面臨分裂咁。

不過，情況發生變化，日前鄕議局發聲明反對「港獨」，政壇高人睇到呢份在報章刊登的聲明，就推斷侯志強組黨會有阻滯啦，原因係呢份聲明的下款寫上「新界鄉議局暨廿七鄉事委員會」，高人分析，鄉事派之前的矛盾化解咗，所以特登用上「廿七個鄉事委員會」統一發聲明，以顯示佢哋意見一致。

高人話你估組黨真係咁簡單咩，先有水有資源才可以組黨，侯志強咁高調話要組黨，幕後應有鄉事大佬輩支持，至於係真組黨定係擺吓姿態講吓數，就難講啦。