Netflix客戶流失，高層諗計開源節流，大刀闊斧cut咗啲無謂嘅project，好似坊間一致劣評嘅《Resident Evil》，就唔會有第二季嘞。另一方面，之前傳過話會推出廣告plan，以低月費吸引訂戶「回鍋」，霸戲哥聽聞好似有啲眉目。
據《彭博社》稱，新廉價廣告plan將會喺年底推出，並率先係6個國家推出，每月收費為54至70蚊，但每小時嘅片，觀眾要硬食共四分鐘嘅強制廣告，喺節目開始之前同中間播放，冇得撳交叉略過。
呢啲彈出彈入嘅廣告，唔知霸戲哥係咪有強迫症，係一秒都零容忍，所以就算Netflix第日加價，霸戲哥寧願畀多啲，都要確保廣告清零。
所以Netflix呢個廣告plan係咪真係work？有冇人真係為咗平少少而硬食廣告？霸戲哥真係好懷疑。Anyway，放長雙眼睇啦。
霸戲哥
** 博客文章文責自負,不代表本公司立場 **