霸戲哥之日常#386｜ 配音

無綫今晚將會推出新一季《好聲好戲》，上季意外發掘咗陳自瑤嘅配音潛質，又令普羅大眾認識到一班資深且勞苦功高嘅幕後配音員，添食只不過係時間問題啫。

大家千祈咪睇少配音呢份工作，霸戲哥當年喺報館度做，有時要處理自己嘅故仔，都有客串過配音，就知有幾咁艱難。霸戲哥係電腦白痴，其實入到去VO房，見到個錄音software已經揦手唔成勢，但原來配音先係最難嗰part。

首先，亦係做重要部份，係要讀正個音。唔好以為容易，因為當你一緊張，好容易讀錯字、

霸戲哥

** 博客文章文責自負,不代表本公司立場 **

早兩日霸戲哥又翻睇《賭俠1999》，張家輝帶埋劉華去婚宴搵食嗰幕，真係睇一次笑一次。

以前啲人真係好鍾意搞宴會，結婚又搞、滿月又搞，後來仲整埋百日宴添，可能計落圍到本啦，但都養埋唔少好似張家輝呢類「我識佢老婆多啲」嘅白撞友。

但如果白撞嗰個係奇洛李維斯呢？

話說近日喺英國有對準夫婦，喺酒吧撞到奇洛，就隨口噏邀請對方參加婚禮。講真三唔識七又咁唐突，換轉你係奇洛，相信都會敷衍對方了事。點知奇洛真係去咗個婚禮，仲同主人家影相添。兩位新人開心到見牙唔見眼，當攝影師叫大家「Say Cheese」，班友開心到大叫「Speed」（《生死時速》），氹到奇洛笑得仲開心。

聽聞奇洛都唔係第一次做wedding crasher，只要你夠膽開聲，奇洛都幾乎有求必應。

咁好嘅人喺邊度搵？