霸戲哥之日常#404｜ 東方三俠

繼《英雄本色》和《秋天的童話》嘅修復版喺高先電影院放映後，今個月輪到另外兩齣港產經典—《東方三俠》同《現代豪俠傳》，再次喺大銀幕上映。

一講《東方三俠》，第一時間會loop起主題曲《莫問一生》，「誰和誰和誰之間，相識結合了患難」，夕爺林夕啲詞梗係冇得輸，但credit點都要畀番主唱嘅阿梅。

事實上，套戲1993上映時，焦點的確落晒喺三位女主角上：阿梅、楊紫瓊、張曼玉，冇辦法，呢個組合又真係有今生冇來世。但自從電影台開始重播呢兩齣戲，唔少觀眾開始留意到佢陣離經叛道嘅cult味。

杜琪峰將套戲玩到出神入化，電影揉合各種元素，有武俠、警匪、科幻、槍械、功夫、古裝、時裝，又中西合璧，硬溝埋一齊又冇違和。三位主角，各有性格、氣質同美態，連服裝配搭都非常講究。

霸戲哥最欣賞啲動作場面，直頭似足細細個睇嗰啲幪面超人特撮片，任何荒山野嶺、爛屋破廟都可以開打，毫無邏輯可言。

八、九十年代多好，夠膽畀電影人作唔同嘗試，先可以有咁多好戲流傳後世。

霸戲哥

** 博客文章文責自負,不代表本公司立場 **

大象走得快，一定有古怪。

2020年，一群大象突然離開西雙版納自然保護區，向北進發。野生象有規律地向前遊蕩，甚至闖入民居，大模斯樣地喝水，連鹽巴都毫不客氣地捲進口裏。

今晚《無窮之路 II—無價之保》，陳貝兒帶觀眾去到西雙版納，採訪幾位守護大象嘅幕後英雄，包括自然保護區工程師、亞洲象救護與繁育中心獸醫、亞洲象救護與繁育中心飼養員等等，嘗試了解大象遷徙嘅原因。

曾經係瀕臨絕種嘅亞洲象，八十年代只得大約100隻。經歷過多年嘅保育，亞洲象數量攀升到近300隻，反而導致食物唔夠分，所以要搬竇找尋更多「機遇」。

要引領呢班頑皮大象返番去保護區，原來一啲都唔簡單。今集節目就見到呢班無名英雄嘅英勇事蹟，中間過程有笑有淚。