曾戀古天樂七年退居幕後 47歲黃𨥈瑩轉做女強人

1994年TVB劇集《餐餐有宋家》是港人的集體回憶，陳曼娜23日在社交網貼出眾人飯聚，當中與古天樂曾經拍拖的黃𨥈瑩也有到場，唯獨近期忙於宣傳《明日戰記》的古仔不見蹤影。相中的黃𨥈瑩雖然已屆47歲，但外表與當年分別不大，依然咁靚，難怪當年會吸引到古仔，並成為對方唯一承認過的女友。

《餐餐有宋家》眾演員飯聚。

黃𨥈瑩（左）也有出席。

黃𨥈瑩是1994年港姐。

黃𨥈瑩與李珊珊好老友，不時約去玩。

在屯門長大的黃𨥈瑩，1994年參選《香港小姐》並奪得「最上鏡小姐」，原只有中學程度的她，當選後決定退學簽約TVB，多年來拍過逾30套劇集，亦曾主持過多個節目。她在首次拍處境劇《餐餐有宋家》時撻着古天樂，之後為愛情而半退出演藝圈，相戀長達七年。直到二人分手後，黃𨥈瑩再活躍幕前，但已被投閒置散多演配角，最終她於2011年拍完告別作《On Call 36小時》，約滿TVB後離巢。翌年她曾簽張兆輝的美容纖體公司做代言人，其後轉職美容行業。

黃𨥈瑩奪得「最上鏡小姐」。

黃𨥈瑩第一次拍劇就撻着古天樂。

黃𨥈瑩（左三）參演過不少古裝劇。

黃𨥈瑩拍過《難兄難弟》。

《On Call 36小時》是黃紀瑩（第二排左一）的告別作。

退出幕前的黃𨥈瑩，近年只間中在圈中的朋友聚會上見到其身影，不過多年來保養相當好，皮膚白滑，樣貌與當年變化不大，一雙大眼更是精靈有神，明豔照人。

黃𨥈瑩近年只在朋友圈的照片中出現。

黃𨥈瑩（左一）個樣多年冇變。

黃𨥈瑩（右）約滿TVB後，轉職美容行業。

黃𨥈瑩未有再提及感情狀況。

黃𨥈瑩因戀古天樂放棄事業 復出被投閒置散淡出做女強人

娛樂訪談節目《星展豐盛理財保險策劃呈獻：一周星星》昨晚（12月28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。

林峯原來好懷念當年同陳國邦嘅合作。

新加入團隊的朱鑑然，直指拍攝時感覺很夢幻。

昨晚一集，除了宣萱及古仔的爆笑互動夠搶焦，兩位的「出土考古片」亦極有話題性。先說宣萱，原來宣萱1994年曾於公司一個活動上，公開提出藝人與歌星合作拍劇的問題，當中包括遲到！當時宣萱的樣子雖然仍相當幼嫩，但說出的言辭卻極之有Point，令同場的鄭伊健及郭晉安拍爛手掌之餘，坐在宣萱附近的古仔亦聽到託晒腮兼凝望宣萱。談到當年「烈女」事件，宣萱搞笑謂：「我都話好多謝公司冇雪我咯，呢個係真心話嚟嘅！」古仔聞言又玩搭嗲：「係人拍劇都會遲嘅。」豈料宣萱認真謂：「我唔遲。」古仔即改玩「擦鞋」：「咁你咪做阿姐咯。」除了「烈女敢言」出土片，製作組還翻出了宣萱同一年在音樂節目《週末任你點》中的超勁跳舞片與眾同樂，片中宣萱不但全程投入，而且甚有飛躍感，跳到馬尾飛揚、雙腳離地，成功掀起高潮。

宣萱真係好搞笑。

宣萱當年跳舞都好有動感吓。

製作組另外還預備了古仔1997年在《華星光輝銀禧演唱會》中獻唱《像我這一種男人》的珍貴片段，片中古仔難得表現剝衫露出結實肌肉，令宣萱睇到「眼都凸埋」，並驚嘆謂：「你肯做嘅？」之後又爆料指古仔根本不喜歡表演唱歌：「以前好似推你去死咁 ，叫你唱歌。」豈料古仔竟扯開話題，並自爆有人群恐懼謂：「你（嗰時）鬧啲歌手，我坐喺後面我都想死…喂，咁多人嘅現場」、「你唔好話推我做嘢，唔做嘢我都死，咁多人我唔得架嘛。」

談到即將上演的新戲《尋秦記》，林峯坦言感動：「好感動架成件事，你首先唔會諗到自己二十幾年前拍嘅角色，喺二十幾年之後仲有機會重演先啦，仲要係原班人馬。我同李斯，即係（陳）國邦，當年嘅（對手）戲係比較多嘅，而我都好多年冇同國邦一齊演過戲，嗰個感覺係真係返晒嚟。」至於新加入團隊的朱鑑然，則指感覺很夢幻：「感覺興奮呀，以前係睇電視（見到），嗰刻係突然全部喺同一個空間，我覺得好神奇呢件事。」

宣萱當年嘅敢言都好經典。

宣萱當年嘅敢言都好經典。

古仔呢幕剝衫，睇到宣萱眼都凸埋。

古仔坦言要齊集昔日原班人馬絕對有難度，並感激滕麗名的配合：「因為套戲唔係喺香港拍，真係要一段時間嘅，阿滕嗰時拍緊處境劇架嘛，度期係有啲困難，但佢都好幫手。」古仔續指其實當年《尋秦記》播畢不久已有電影版構思，等了這麼多年才正式上映，是因為想參與藝人帶出不一樣的感覺：「嗰時諗法係不如等十零年後再聚番埋一齊啦。你問我可以聚得番埋一齊都係緣份同運氣，好難得。第二件事，就係睇吓大家成熟咗之後，外型或者性格、表現各方面嘅唔同。」古仔還大爆劇中兒子項羽乳名「寶兒」的由來：「本來想叫佢羽頭（靈感來自妹頭、蝦頭等），但核突呀嘛，諗吓諗吓，佢係我寶貝仔不如叫寶兒啦！」、「仲有英文名架，叫David，因為David Bowie吖嘛。」