【2026.5.1娛圈熱點】古天樂驚傳隱婚生子洪永城快閃回港36小時陪老婆梁諾妍跑

娛圈事

【2026.5.1娛圈熱點】古天樂驚傳隱婚生子洪永城快閃回港36小時陪老婆梁諾妍跑

2026年05月01日 18:00 最後更新：18:39

關注一下過去24小時娛圈事Top 5熱話。

古天樂驚傳隱婚生子四大巧合鎖定女星林淑茵

點擊看圖輯

更多相片

影帝古天樂近日被傳秘婚生子，儘管他曾回應「其他雜音不會回應」，但傳聞愈演愈烈。網民根據四大巧合，鎖定疑似另一半為千禧年代活躍影壇、有「初代鬼后」之稱的林淑茵（Gloria Lam）。

▼詳情點擊圖片查看或按連結

洪永城快閃回港36小時陪跑梁諾妍晒合照放閃

洪永城（Tony）最近與黃翠如到歐洲拍攝《走過歷史大地》，完成任務後快閃回港36小時，即被老婆梁諾妍拉着去跑步。梁諾妍邊跑邊拍片，輕鬆鼓勵老公，更晒出合照放閃寫道：「Proud of you！我奉陪！」相反Tony跑到面紅兼喘氣，事後更反白眼笑言得番半條人命。兩夫妻小別勝新婚，互動搞笑又甜蜜，獲網民大讚：「呢種老公邊度搵？」大批粉絲留言讚Tony廿四孝老公，兩人恩愛羨煞旁人。

▼詳情點擊圖片查看或按連結

陸浩明獲女友陪過生日Sweet到爆 Ayan親生佈置兼親製禮物贈六號

陸浩明剛剛47歲生日，獲女友Ayan為他慶生，過了一個快樂的生日。陸浩明於IG發布生日賀文：「Happy Birthday to me 個傻妹真係好Sweet 親手佈置咗個surprise Bday Party俾我又有手作禮物之後再請我去食米G連餐廳好開心好感動 l love you #ayan最強手作王」Ayan於帖文下留言：「Happy birthday to 陸寶寶」。

▼詳情點擊圖片查看或按連結

韓演員「果汁大叔」朴東彬猝逝享年56歲遺下女兒僅3歲

韓國演藝圈傳出令人悲慟的消息，以「名牌配角」演技深植人心、更因經典噴果汁搞笑圖片被封為「果汁大叔」的資深演員朴東彬（本名朴鍾文），於 4月29日被發現倒臥在自家籌備中的餐廳內，送醫後宣告不治，享年56歲。

▼詳情點擊圖片查看或按連結

倪晨曦罕晒水着照三子之母身材震撼網民

索爆人妻倪晨曦（Elva）近日到馬來西亞浮羅交怡度假，罕有晒出水着照。她穿上黃色比堅尼，身材均勻，完全看不出已是三子之母。Elva在沙灘瘋狂打卡，更拿起小貝殼放在眼前伸脷扮鬼臉，非常貪玩。網民紛紛留言：「久違了的晨曦泳裝照」，又有人羨慕表示：「會唔會太pure！」Elva自2020年與圈外老公Vincent結婚，婚後4年抱3先後誕下3名兒子，得天獨厚食極唔肥，身材樣貌零走樣，堪稱最強索爆人妻。

▼詳情點擊圖片查看或按連結

往下看更多文章

THREE IN LOVE演唱會2026｜草蜢挑機古天樂清唱《原諒我是我》送工業眼罩

草蜢紅館「THREE IN LOVE演唱會2026」昨晚（4月29日）舉行第三場，「三哥」苗僑偉與太太戚美珍、吳文忻、DJ當奴和Tiger@MIRROR等捧場。表演嘉賓古天樂，他化身「玉子漢堡」的「將軍」，更即興清唱草蜢1993年作品《原諒我是我》，全場大合唱掀集體回憶。而傑仔昨晚分享治癌期間遇到感動事，見證以愛與歌迷互相扶持。

昨晚草蜢跳唱《華麗舞台》後，響起《天命最高》前奏，古天樂穿著紫色西裝外套和太陽眼鏡升上舞台，歌迷歡呼。合唱後，在電影《尋秦記》飾演忠臣「萬良」的蔡一智笑說：「『項少龍』你穿越咗嚟紅館咩？我係『萬良』，介紹兩個人你識，（指住蔡一傑）呢個係『千良』，（指住蘇志威）呢個係『百良』！」蘇志威說：「我係『萬子』！」古天樂立即以最新身份自我介紹，說：「我係『玉子漢堡』嘅『將軍』！」全場爆笑。蘇志威得戚地說：「我剛才食漢堡時擦咭，第一張就擦到你單人咭，幾幸運呀！」

蔡一智即場考古，指古天樂是草蜢1993年作品《原諒我是我》MV男主角，還挑機他即興表演，古天樂淡定清唱，率領全場大合唱，掀集體回憶。之後蔡一智攞出禮物送他，說：「知你最近整襯隻眼，成日戴眼鏡，但一般眼鏡遮光唔夠好，送一副遮光好勁嘅俾你。」然後拿出一副疑似燒焊工業用的綠色眼罩，古天樂說：「你哋覺得係燒焊用，我睇到化幻片角色，綠魔人用！」蘇志威另外再送上一副名牌太陽眼鏡，阿智說：「你知草蜢好多贊助商，呢副係溥儀眼鏡送俾你嘅！」古天樂想立即攞走離場，阿智阻止他，笑說：「唔得，你欠我哋三隻唱片，想走？我依家挑你，漏咗隻字，係挑戰你，唱草蜢快歌！」他們合唱草蜢《好戲在後頭》，更走勻四面台，觀眾反應熱烈。

此外，昨晚傑仔獨唱《流淚的背影》和《失樂園》後，向觀眾分享治療期間遇到的感人故事，說：「有一日坐住輪椅去到照PET Scan（正電子素描）間房，我必須要起身自己行去張床度。突然一位醫護人員走埋嚟扶我，佢話『你俾我扶你入去』，我話唔使，但佢堅持，我問點解？佢話『你唱嘅歌喺呢幾十年陪我走過高山低谷，你今日呢段路就讓我扶你行。』嗰一剎那我好溫暖，感覺好有愛。」

傑仔深深被感動，說：「原來我唱咁耐歌都唔知道，陪住大家走過不同嘅歲月。相反，你哋何嘗唔係陪住我一齊走過高山低谷呢？人生起起跌跌，記住，面對逆境要保持鎮定，正能量，fight低佢！明唔明？大家做唔做得到？」觀眾高呼「做到」。他續說：「正能量係好重要，接下來呢首歌係我嘅心聲，我作曲填詞，留意歌詞，『快樂』好重要！」然後他演唱《及時行樂》。而觀眾席上，乳癌復發的吳文忻坐在第一行，雖然舞台與觀眾席之間被射燈等器材阻隔，但阿智盡力與她握手，傑仔更上前擁親吻她以示支持。