梁天琦選舉 做乜要用太空咭通電話兼銷毀140箱文件？

選舉事務處公開本土民主前線梁天琦在新界東補選的開支，申報用咗超過75萬，部分開支十分離奇，亦暴露咗年初一晩暴亂之夜佢地的動向。

梁天琦的開支單據顯示，佢在2月8號初一晚旺角暴動前幾日，買咗3部平價智能電話，和10張太空電話咭。做選舉的溝通，點解要用太空咭咁神秘，套用傳媒睇巴拿馬文件的邏輯：神秘行動有可疑。

另外，梁天琦又有一項1,400元「文件銷毀」的開支，在選後銷毀咗140箱文件，若是選民資料，為何急急銷毀，9月選舉唔使再用？

申報又顯示梁天琦等到8號初一晚的行縱，佢地夜晚8點半同9號凌晨在砵蘭街一間便利店買過飲品，9號凌晨3點幾就坐過的士。唔知係唔係3點走咗。

另外，梁天琦申報收到51萬捐助，除了毓民的普羅政治學苑合共捐出9.7萬之外，更大手筆捐款來自一位叫Lam Aileen嘅人士，呢位人士前後捐咗近18.2萬畀梁天琦，另一主要捐款者叫做劉可恩，合共捐咗15萬，佢地都係梁天琦的擁躉也。

Ariel

** 博客文章文責自負,不代表本公司立場 **

警隊前一哥曾偉雄去年退休，準備加入民建聯立法會議員蔣麗芸家族公司震雄，擔任年薪百萬新職。曾偉雄未過退休後的三年冷河期，入私人機構要政府批准。

政壇八卦友話，震雄是機械公司，經營的業務和公共政策關係較少，更和警隊的工作沾不上邊，按理沒有利益衝突。如果說和蔣麗芸有關，令曾偉雄任內偏坦了民建聯，又相當牽強。

八卦友話，最大問題是曾偉雄退休前曾公開對媒體表明心跡，話對從商從政都沒有興趣，希望可以再服務社會，只表示有興趣做人大政協。但如今卻加入商界。

據熟悉曾偉雄的人士幫他解話，話他在震雄的新職是管理顧問，每星期上班三天，不算從商咁話。

從外人的角度睇，呢種說法有點牽強，曾偉雄都係衰當日講大咗，或者可以倒過頭來解釋，他退休時根本無此安排，才會表示不去商界打工。