魔童參選另有所圖？

魔童王維基突然宣布出嚟參選，會出戰港島或新界東直選選區，又話參選想踢走特首CY ，馬上搞亂左香港的政局。

潮流興翻舊帳，魔童過去講過唔參選，唔知點解突然轉軚。他在年初接受《iMoney》雜誌訪問時話，若他參加立法會選舉，勝算可高達五成，但他做立法會議員沒有作為，「問題係選立法會改變唔到現制度！」

政壇八卦友話，王維基在中央港澳協調小組組長張德江訪問香港前的敏感時刻，宣布參選立法會叫CY下台，似乎唔係咁簡單喎。佢話魔童一係有人推佢出來參選插CY，一係自己想選特首，如果佢9月高票當選成為票王，會唔會順便出來玩特首賽？

昨日記者亦有問魔童，為何不直接參選特首踢走CY，佢只說想透過參選立法會團結港人，向中央表達要求「換特首」。魔童點名支持葉劉、曾鈺成和曾俊華做特首。但被問到是否支持林鄭月娥，魔童不置可否，只是指着枱上的辣椒油，指「如果自己不喜歡吃辣，大辣、小辣也不會吃。」佢咁反林鄭，係唔係視林鄭為對手呀？

Ariel

** 博客文章文責自負,不代表本公司立場 **

負責香港事務的中央政治局常委張德江將於本月17日至19日赴港，出席特區政府主辦的一帶一路高峰論壇，期間會有晚宴，在27名泛民議員中，有25人獲邀出席晚宴，但政府無請長毛和黃毓民。

據過往多次出席領導人來港晚宴的政界人士話，過去這類晚宴有請長毛出席，佢每次都同樣示威，好多時領導人未到，佢已經大叫口號示威，然後俾人抬走，「循例示威」的味道好強。今次政府索性唔請長毛及本土派祖師黃毓民，都表達了一種態度。

25名受邀出席的泛民議員中，除了民主黨議員及教育界葉建源話未決定是否出席外，其他均表明不會出席宴會。

政府的邀請函附有表格，要求受邀者提供近照、身份證號碼、性別、出生日期、國籍、所屬機構職銜、電話和聯絡地址等個人資料，另外又寫明出席晚宴各種規則，包括規定宴會期間不能離座祝酒等。

部分泛民議員批評這些安排侮辱民選議員，表明杯葛。

政界人士分析，9月選舉期近，激進泛民議員亦怕出席張德江的活動，會被抽後腳，索性搵借囗唔參加就算。