博客文章
霸戲哥之前提過《猛鬼3寶》導演黃鐦同編劇黃綺琳鬼主意多多，套戲嚟緊萬聖節檔期上映，計落宣傳攻勢都差唔多要出動。
原來套戲搞咗個「得一屆恐佈小姐選舉」，參賽者（或者借刀）只要將恐佈照片inbox 畀電影page，佢哋就會篩選出四位入位佳麗，有機會出席商場活動宣傳，冠軍仲可以同演員一齊拍條宣傳片添。
不過究竟恐佈定義同準則係點，就只有評判先知。究竟樣衰恐佈啲？惡死能登恐佈啲？定係露體狂恐怖啲呢？
不過諗到呢條橋嗰位仁兄都勁嘅（估係黃鐦諗），因為實大把佳麗已經被tag同被參加啦！
霸戲哥
** 博客文章文責自負,不代表本公司立場 **
豬視妹偶像梁朝偉早排飛去韓國出席釜山國際電影節，領取亞洲電影人獎。難得出埠唞啖氣，梗係把握機會見吓五湖四海嘅影視界朋友。其中一位，就係人氣劇《魷魚遊戲》導演黃東赫。
見面合照post IG其實好平常，之但係劉嘉玲喺留言度加句「Ready for 《Squid Game》？」、「Let's play Squid game！」就好唔同嘞。唔通偉仔準備拍《魷魚遊戲2》？如果係真嘅話，真係天大喜訊囉！
偉仔其實都喺公開場合放過風，話想參與韓國嘅影視製造，但首先要解決語言嘅問題，聽落唔似客套說話噃。翻查資料，偉仔又好似冇乜同過韓國人合作，印象中就好似只有《一代宗師》嘅宋慧喬咁大把。
唔好睇少社交平台嘅威力，好似尋日卡斯拿斯疑被黑客入侵，喺Twitter度自爆「中途轉gay」，都引起全球哄動。有啲嘢吹吹下，話唔定都會變成真。
