政事
人大委員長張德江將於酒會與泛民議員見面，公民黨黨魁梁家傑提議，設立「港是會議」，讓特區政府、主管港澳事務的中央官員，和香港各界討論牽涉中港兩地的議題，特別是2047年後的前途問題。他認為港是會議可由法官主持，平台應涵蓋任何政見的人士，包括本土派。
但政壇高人話，公民黨這個建議，有少少似80年代前途談判的「三腳櫈」建議，再加上由法官主持，實質是要法官治港，中央哪能接受？
而黃之鋒的香港眾志亦發表聲明，表示要在各方面的領域創造自決條件，從而推動民主自決二零四七年後的主權治權，才可讓香港人當家作主抉擇未來。
高人話，香港眾志的意見更離地，都唔知點回應好。
Ariel
** 博客文章文責自負,不代表本公司立場 **
中央港澳協調小組組長張德江訪港， 18號晚舉行晚宴，泛民議員拒絕參加。後來在晚宴之前再加插40分鐘的酒會會面，泛民四個代表都同意出席。
知情人士分析，中央此舉係唔想香港太對抗，希望有和諧氣氛，見到泛民以「齋食飯無交流」拒絕出席晚宴，就加插這場會面，等大家有機會面對面溝通，都顯示咗相當的誠意。
泛民人士對中央伸出的橄欖枝，開頭都唔知點回應，例如泛民的飯盒會召集人何秀蘭，上周四話酒會都唔會參加，後來又話知道酒會有40分鐘咁長，只係20多人出席，就轉態話參加。
政壇高人話，呢個都算係好開始，至少中央要員首次同泛民的黨派代表接觸。不過佢就覺得相當奇怪，因為泛民始終只願意出席酒會，唔出席晚宴，但當日拒絕出席晚宴的原因是話見中央領導無得溝通，而家都已可以溝通，點解仲唔出席晚宴呢？
可能有人話晚宴係聯誼情質，泛民出唔出席都無所謂。高人話有時雙方的溝通都講求良性互動，你尊重我，我尊重你，如果溝通得好，未來就向良性方向發展。溝通得唔好，不歡而散，來來又會走向對立的地步，所以唔知泛民中人有冇考慮呢點，否則無理由繼續堅持不出席晚宴。
